არცერთი კომპანია არ დაუშვებს იმას, საკვანძო პოსტებზე მყოფი თანამშრომლები ღიად აცხადებდნენ, რომ ამ კომპანიის დანგრევაში მიიღებენ მონაწილეობას -  ეს განცხადება საპარლამენტო უმრავლესობის ლიდერმა გია ვოლსკიმ ტელევიზია რუსთავი 2-დან ჟურნალისტების გათავისუფლების შესახებ გააკეთა, რის შემდეგადაც პოსტი რამდენიმე ჟურნალისტმა საკუთარი ნებით დატოვა.

გია ვოლსკი მიიჩნევს, რომ ჟურნალისტები, რომლებმაც ტელევიზია საკუთარი ნებით დატოვეს,  კომპანიის ყოფილი გენერალური დირექტორის, ნიკა გვარამიასთან ერთად რუსთავი 2-ის წინააღმდეგ ომში ჩაებნენ.

„კონკრეტულმა ადამიანებმა, მათ შორის ყოფილმა გენერალურმა დირექტორმა გამოაცხადეს, რომ  იბრძოლებენ და მათი მთავარი მიზანი რუსთავი 2-ის დანგრევა იქნება. ადამიანებმა, რომლებიც აქამდე რჩებოდნენ თავის პოსტებზე, განაცხადეს, რომ ამ ბრძოლაში მიყვებიან ყოფილ გენერალურ დირექტორს. არცერთი კომპანია,  არც ნებისმიერი სხვა დაწესებულება არ დაუშვებს იმას, რომ საკუთარ კომპანიაში, საკვანძო პოსტებზე მყოფი თანამშრომლები ღიად აცხადებდნენ, რომ ამ კომპანიის დანგრევაში მიიღებენ მონაწილეობას. აქ რუსთავი 2-ის კრიტიკულობა არაფერ შუაშია. მე პირადად, საერთოდ არ მიმაჩნია, რომ რუსთავი 2 კრიტიკული ტელევიზიაა ეს არის პარტიული ტელევიზია ხოლო ყველა სხვა ტელევიზია შეიძლება იყოს კრიტიკული ტელევიზია.

რუსთავი 2-ის იმ ჟურნალისტებმა რომლებმაც დატოვეს პოსტები, ისიც უნდა აღიარონ რომ მათი მიზანი რუსთავი 2-ის წინააღმდეგ გალაშქრება და გვარამიას ბრძოლაში მონაწილეობა იყო“, - განაცხადა ვოლსკიმ.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ