საქართველოს და ევროკავშირის სადამკვირვებლო მისიის წარმომადგენლებს არაერთხელ შეეძლოთ დარწმუნებულიყვნენ, რომ  გუგუტიანთკარში მიმდინარე სასაზღვრო სამუშაოები არსად იკვეთება საქართველოს ტერიტორიასთან - ამის შესახებ ოკუპირებული "სამხრეთ ოსეთის" დე ფაქტო პრეზიდენტის წარმომადგენელმა, პოსტკონფლიქტური დარეგულირების საკითხებში, მურატ ჯიოევმა განაცხადა.

ჯიოევი გუგუტიანთკარში ქართული მხარისა და არასამთავრობო ორგანიზაციების ჩასვლასა და პროტესტს კარგად დადგმულ სპექტაკლს უწოდებს, რომელიც საერთაშორისო საზოგადოების ყურადღების მისაქცევად იმართება.

 „ეს არის კარგად დადგმული სპექტაკლი, რომელიც სახელმწიფო საზღვრის ხან ერთ, ხან მეორე ნაწილში თამაშდება.  ამ სპექტაკლის მიზანი, საქართველოს მხრიდან  საერთაშორისო საზოგადოების ყურადღების მიქცევაა“, - განაცხადა ჯიოევმა.

მისი სიტყვებით, პროტესტს, რომელიც საქართველოს მთავრობისა  და არასამთავრობო ორგანიზაციების მხრიდან გუგუტიანთკარში მიმდინარე პროცესებზე ისმის, „არავითარი კავშირი არ აქვს სტაბილურობაზე ზრუნვასთან საზღვრისპირა ტერიტორიებზე".

ჯიოევის მტკიცებით,  საქართველოს და ევროკავშირის სადამკვირვებლო მისიის წარმომადგენლებს არაერთხელ შეეძლოთ დარწმუნებულიყვნენ, რომ "აღნიშნული სამუშაოები არსად იკვეთება საქართველოს ტერიტორიასთან".

"საიდუმლო არავისთვის იყო, რომ სამხრეთ ოსეთი საზღვრის მონიშვნას ცალმხრივად ახორციელებს, რადგან ქართული მხარე თანამშრომლობაზე არ მოდის"- აცხადებს ჯიოევი. 

საქართველოს 8 მოქალაქის გატაცების ფაქტზე ჯიოევი ამბობს, რომ აღნიშნულმა პირებმა, რომლებიც არაფხიზელ  მდგომარეობაში იმყოფებოდნენ, ავტომანქანებით მასობრივად დაარღვიეს "საზღვარი".

"იქ შესაბამისი სასაზღვრო ნაგებობა რომ ყოფილიყო, სახელმწიფო საზღვარი არ დაირღვეოდა. მიუხედავად იმისა, რომ თბილისმა მაშინვე აცნობა მსოფლიოს ადამიანების გატაცებაზე, ამ ადამიანებმა საკუთარი ნებით დაარღვიეს ეს საზღვარი“, - ამბობს ჯიოევი.

ინფორმაციას cominf.org  ავრცელებს.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ