საქართველოს იუსტიციის ყოფილი მინისტრი, ზურაბ ადეიშვილი მიიჩნევს, რომ წინა ხელისუფლებამ დიდი შეცდომა დაუშვა, როდესაც მარიხუანის მოხმარებისა და ფლობის გამო ადამიანებს ციხეში უშვებდნენ. 

როგორც ადეიშვილმა ნიკა გვარამიასთამ ინტერვიუში განაცხადა, მაშინდელი ხელისუფლება ნარკოპოლიტიკასთან დაკავშირებით საერთაშორისო პრაქტიკის მიხედვით მოქმედებდა. 

"არა. არ იყო ნორმალური. ეს იყო დიდი შეცდომა. ისიც უნდა ვთქვათ, რომ მერე შეიცვალა საერთაშორისო პრაქტიკაც. ჩვენ არ გვეყო იმდენი გამოცდილება, რომ სწრაფად დაგვეწყო (ნარკოპოლიტიკის) ლიბერალიზაცია. დღეს ძალიან ადვილია ამის თქმა და მარტივი ჭეშმარიტებაა - რა თქმა უნდა, მოხმარებაზე სრული დეკრიმინალიზაცია და მოქმედი კანონმდებლობით ისედაც არ ისჯება მომხმარებელი, მაგრამ შენახვისთვისაც არ უნდა ისჯებოდეს ადამიანი, თუ მარიხუანა მას პირადი მოხმარებისთვის აქვს იმის გამო, რომ საქართველოში არ გვქონდა სერიოზული ანალიტიკური ცენტრები, რომლებიც დაამუშავებდნენ და მოგცემდნენ ამ საკითხის ანალიზს, ჩვენ ვუყურებდით საერთაშორისო პრაქტიკას. ჩვენ ვუყურებდით, მაგალითად, როგორ იქცეოდნენ სამსართალდამცველი ორგანოები ამერიკასა და ევროპაში. არც ამერიკაში და არც ევროპაში, გარდა რამდენიმე ექსპერიმენტისა, ეს ასე არ იყო”, - განაცხადა ზურაბ ადეიშვილმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს