მაქვს რაღაცა წითელი ხაზი, რითაც შეთავაზება ვერ იქნება მიღებული. პრინციპულია, რომ „რუსთავი 2“ დარჩეს დამოუკიდებელი, კრიტიკული და თავისუფალი ტელევიზია“, - ამის შესახებ ტელეკომპანია „რუსთავი 2“-ის ერთ-ერთმა დამფუძნებელმა დავით დვალმა პარლამენტში დამოუკიდებელი დეპუტატების შეხვედრის წინ ჟურნალისტებს განუცხადა.

როგორც დვალმა აღნიშნა, გუშინ „რუსთავი 2“-ის გენერალურ დირექტორს შეხვდა.

მისივე ინფორმაციით, რამდენიმე დღეში არხის მფლობელ ქიბარ ხალვაშსაც შეხვდება და მისგან შემოთავაზებებს მიიღებს.

„მინდა გითხრათ, რომ პირველი ნაბიჯი გადაიდგა, გუშინ საღამოს შევხვდით პაატა სალიას. ინფორმაცია გავცვალეთ და ითქვა, რომ ალბათ უახლოეს დღეებში შედგება შეხვედრა ქიბარ ხალვაშთანაც. დაახლოებით გამაცნო, თუ რა მდგომარეობაა ტელევიზიაში. სანამ ხალვაშს არ შევხვდები, თავს შევიკავებ რამე კომენტარი გავაკეთო ამ თემაზე, მე მგონი ყველას კარგად გახსოვთ, რომ ხმამაღლა და ნათლად იყო გაცხადებული ხალვაშის დაპირება რაში მდგომარეობდა. ვნახოთ, შევხვდებით და მხოლოდ ამის შემდგომ მოგახსენებთ ჩემს მოსაზრებას. მე მხოლოდ ის შემიძლია გითხრათ, რომ მე მაქვს რაღაცა წითელი ხაზი, რითაც შეთავაზება ვერ იქნება მიღებული. პრინციპულია, რომ „რუსთავი 2“ დარჩეს დამოუკიდებელი, კრიტიკული და თავისუფალი ტელევიზია. თუ ამის გარანტია არ იქნება, შემოთავაზებებს ვერ მივიღებთ“, - აღნიშნა დავით დვალმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კახა კალაძე ინტერ რაოს დასანქცირებაზე: თუ საჭირო აუცლებლობა იქნება რა თქმა უნდა, შესაბამის ნაბიჯებს გადავდგამთ

პროკურატურამ გიორგი ბარამიძის განცხადებასთან დაკავშირებით გამოძიება დაიწყო

Wine Square X Lunatic ერთმანეთის მხარდასაჭერად | მცირე ბიზნესის ჯაჭვი გრძელდება

ვალტონენი – ფინეთი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას