2019-07-15 11:08:08, 2493 ნახვა
ეკონომიკა
იანვარ-ივნისში, საქონლით საგარეო სავაჭრო ბრუნვა წინა წელთან შედარებით, 0.6%-ით შემცირდა
2019 წლის იანვარ-ივნისში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 5 968.3 მილიონი აშშ დოლარი შეადგინა, რაც წინა წლის შესაბამისი პერიოდის მაჩვენებელზე 0.6 პროცენტით ნაკლებია.
სტატისტიკის ეროვნული სამსახურის ინფორმაციით, აქედან, ექსპორტი 1 775.4 მილიონი აშშ დოლარი იყო (11.5 პროცენტით მეტი), ხოლო იმპორტი 4 192.9 მილიონი აშშ დოლარი (4.9 პროცენტით ნაკლები). უარყოფითმა სავაჭრო ბალანსმა 2019 წლის იანვარ-ივნისში 2 417.4 მილიონი აშშ დოლარი და საგარეო სავაჭრო ბრუნვის 40.5 პროცენტი შეადგინა.
საქართველოს საგარეო ვაჭრობის დეტალური მონაცემები 19 ივლისს გამოქვეყნდება.
ავტორი: ექსპრესნიუსი,
epn.ge (@expressnews.ge)
