2019-07-04 13:38:03, 3075 ნახვა
მსოფლიო
საფრანგეთში ბავშვის ცემა კანონით აიკრძალა
საფრანგეთში ბავშვის ცემა კანონით აიკრძალა, - ამის შესახებ Euronews იუწყება.
მედია საშუალების ინფორმაციით, ქვეყნის პარლამენტმა შესაბამის კანონპროექტს მხარი ერთხმად დაუჭირა.
კანონის თანახმად, მშობელს ბავშვის შეურაცხყოფა, დამცირება, დაცინვა და აღზრდის მიზნით ცემა ეკრძალება. სამოქალაქო კოდექსში შევა ცვლილება, რომლის მიხედვითაც ქორწინების დროს წყვილს ეცნობება შემდეგი: "მშობლის მიერ ბავშვის აღზრდა ფსიქოლოგიური და ფიზიკური ზეწოლის გარეშე უნდა მოხდეს".
მედიის ცნობით, საფრანგეთი გახდა რიგით 56-ე ქვეყანა, რომელმაც ასეთი ტიპის კანონი მიიღო.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
