საპარლამენტო უმრავლესობს წევრი კარლო კოპალიანი  2011 წლის 26 მაისის ღამეს იხსენებს და აცხადებს, რომ მომიტინგეთა დარბევას ის ადამიანები ხელმძღვანელობდნენ, ვინც 20 ივნსისს, პარლამენტში შეჭრის მცდელობას ედგა სათავეში.

„მე კარგად მახსოვს, 26 მაისის მიტინგის მონაწილე ვარ, მაშინ დეპუტატი გახლდით და პარლამენტის წინ ვიდექი. ეს არ იყო აქციის დაშლა, ეს იყო ხალხზე ნადირობა, საკუთარ ხალხზე ძალადობა. იმ ღამეს ათასზე მეტი ადამიანი დაიჭირეს, დაახლოებით 2000 მომიტინგეს თავს დაესხა 4-5 ათასი ადამიანი, ბრძანება იყო გაცემული, რაც უფრო მეტ ადამიანს  სცემდნენ, უფრო მეტ პრემიას მიიღებდნენ, უფრო მეტად დაფასდებოდა მათი გარჯა. ამას ხელმძღვანელობდნენ ის ადამიანები, ვინც 20 ივნისს პარლამენტში შეჭრის მცდელობას ხელმძღვანელობდა. მე ვნახე რუსთაველის პროსპექტზე სისხლით მორწყული ქუჩები. როდესაც დამაკავეს, სამოქალაქო ფორმიანი, ალბათ მაშინდელი კუდის თანამშრომელი იყო, რომელმაც გააფრთხილა სპეცრაზმელები, ეს პარლამენტის წევრია და ცოტა ფრთხილად მოეპყარითო, რაც მანამდე მომხვდა, სამჯერ მეტი მომხვდა ამის შემდეგ. მათზე არ მოქმედებდა პარლამენტის წევრობა. ნიკა მელიას თუ ჰქონდა იმუნიტეტი, მე არ მქონდა 2011 წელს იმუნიტეტი? საქართველოს მაშინ ხომ ეს ხალხი მართავდა. ის ადამიანები, რომლებიც სამწუხაროდ ჯერ კიდევ ჩემს გვერდით, პარლამენტში სხედან. ამ ადამიანების ჩადენილია ეს ყველაფერი, რაც მაშინ ხდებოდა. ამიტომ მათ არავითარი უფლება არ აქვთ ილაპარაკონ ვინმეს გადადგომაზე და საერთოდ, მე მათ ოპოზიციას არ ვუწოდებ. ისინი არიან ქართველი ხალხის სისხლში და ცრემლში ყელამდე ჩამდგარი ადამიანები“ - განაცხადა კარლო კოპალიანმა ტელეკომპანია „იმედის“ თოქშოუში „პირისპირ“.

(NS)

ავტორი: ექსპრესნიუსი,

სოციალური ქსელები

ვისაუბრეთ ურთიერთობების პერსპექტივებზე – ბოჭორიშვილი აშშ-ს დროებით რწმუნებულს შეხვდა

დაჭრა 2 ადამიანი და ადგილიდან მიიმალა - გორში მომხდარზე შსს-მ 1 პირი დააკავა

თბილისში არასრულწლოვანმა, ცივი იარაღის გამოყენებით, ტაქსის მძღოლი დაჭრა - კონფლიქტი მგზავრობის საფასურის გამო მოხდა

საქართველოს პროკურატურა ალეკო ელისაშვილის წინააღმდეგ ახალ ბრალდებას ამზადებს