ევროპული ქვეყნების ლიდერები ევროკავშირის ინსტიტუტების ხელმძღვანელების კანდიდატურებზე შეთანხმდნენ.

ევროპული საბჭოს ოფიციალურ ვებგვერდზე გამოქვეყნებული ინფორმაციის თანახმად, ეს ლიდერების რიგით მეოთხე შეხვედრა იყო, რომელიც წარმატებით დასრულდა. 

ევროსაბჭომ ევროკომისიის პრეზიდენტის თანამდებობაზე გერმანიის თავდაცვის მინისტრი ურსულა ფონ დერ ლაიენი წარადგინა. გამარჯვების შემთხვევაში ფონ დერ ლაიენი ჟან კლოდ იუნკერს ჩაანაცვლებს და პირველი ქალი პრეზიდენტი გახდება. 

ინფორმაციის მიხედვით, ევროპული საბჭოს პრეზიდენტად ბელგიის ყოფილი პრემიერ-მინისტრი შარლ მიშელი აირჩიეს. არჩევის შემთხვევაში ის დონალდ ტუსკს შეცვლის.  აერთაშორისო სავალუტო ფონდის მმართველი, კრისტინ ლაგარდი ევროპის ცენტრალური ბანკის თავმჯდომარის, ესპანეთის საგარეო საქმეთა მინისტრი ჟოზეპ ბორელი კი საგარეო საქმეთა და უშიშროების პოლიტიკის სფეროში ევროკავშირის უმაღლესი წარმომადგენელის პოსტზე წარადგინეს.

რაც შეეხება ევროპარლამენტის თავმჯდომარის კანდიდატურას, ევროპული საბჭოს პრეზიდენტის დონალდ ტუსკის განცხადებით, ამ საკითხზე შეთანხმებას ახალი მოწვევის დეპუტატებმა უნდა მიაღწიონ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

უკრაინის შეიარაღებულმა ძალებმა თათარსტანსა და სარატოვის ოლქში ნავთობგადამამუშავებელ ქარხნებს, ყუბანში მდებარე საკომპრესორო სადგურს და ვორონეჟის ოლქში მდებარე სამხედრო აეროდრომს შეუტიეს.

აშშ-მ ტანკერებზე თავდასხმის შემდეგ ირანული ნავთობით ვაჭრობის ლიცენზია გააუქმა.

Axios: ტრამპმა ირანზე დარტყმების ბრძანება თურქეთში ყოფნისას გასცა

ირანმა დარტყმები განახორციელა რეგიონში მდებარე 85 ამერიკული ობიექტის წინააღმდეგ