საქართველოს პარლამენტთან, სადაც რუსი დეპუტატების ქვეყანაში ვიზტს აპროტესტებენ, აგვისტოს ომში დაღუპული გმირის ვახტან გზირიშვილის დედაც მივიდა.

როგორც მარინა გზირიშვილმა "რუსთავი 2"-ის ეთერში განაცხადა, პასუხი უნდა აგოს ყველამ ვინც თბილისში მართლმადიდებლური საპარლამენტთაშორისო ასამბლეას ორგანიზება გაუწია და პარლამენტის თავმჯდომარის სავარძელი დაუთმო. 

"დღეს უიარაღო ომი იყო საქართველოში, დღეს ჩამოვიდა ჩვენს ტერიტორიაზე, ჩასვეს პარლამენტის თავმჯდომარის სავარძელში ჩვენი ქვეყნის მტერი. რატო არ უნდათ შეიგნონ რუსეთი ოკუპანტია, რუსეთი ჩემი, ჩვენი საქართველოს მტერია. არანაირი რუსეთი, არანაირი მორიგება, არანაირი ლაპარაკი, რისთვის იომეს ჩვენმა შვილებმა, ძმებმა, მეუღლეებმა, იმისთვის შეაჩერეს რუსული ჯარი 2008 წელს, რომ ამ ზოგიერთმა ვითომ პოლიტიკოსებმა, სამშობლოს მოღალატეებმა სახლში შემოგვიყვანეს უკვე, სახლში დაგვისვეს, მე ამას არ ვაპატიებ. ეს ყოვლად დაუშვებელია. იმათი პასუხისმგებლობის საკითხი უნდა დადგეს ვინც უშუალოდ მოიწვია რუსეთის წარმომადგენელი საქართველოში, ვინც გაუმზადა პარლამენტის თავმჯდომარის სავარძელი“, - განაცხადა მარინა გზირიშვილმა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს