"იმ ადამიანების საფლავზე დააფურთხეს, ვინც დაიღუპა აფხაზეთში და ცხინვალის რეგიონში", - ამის შესახებ გაერთიანებული ოპოზიციის ლიდერმა გრიგოლ ვაშაძემ საქართველოსი რუსი დეპუტატების ვიზიტთან დაკავშირებით განაცხადა. 

როგორც ვაშაძემ აღნიშნა, სახელმწიფო უსაფრთხოების სამსახურმა და სასაზღვრო პოლიციამ, რუსი დეპუტატები ქვეყანაში ოკუპაციის კანონის დარღვევით შემოუშვა. 

მისივე თქმით, ხელუსუფლებამ მომხდარზე პასუხისმგებლობა უნდა აიღოს და პარლამენტის თავმჯდომარემ ირაკლი კობახიძემ, შს მინისტრმა გიორგი გახარიამ და სუს-ის ხელმძღვანელმა ვახტანგ გომელაურმა თანამდებობები უნდა დატოვონ. 

„მოგვაფურთხეს, 500 ათასი ქართველის ღირსებას, საქართველოს მოქალაქის, ვინც გამოძევებულია სამშობლოდან, აფხაზეთიდან და ცხინვალის რეგიონიდან. იმ ადამიანების საფლავზე დააფურთხეს, ვინც დაიღუპა აფხაზეთში და ცხინვალის რეგიონში. მოიყვანეს ეს ფაშისტი და ჩასვეს საქართველოს პარლამენტის სპიკერის სავარძელში. შემდეგ საქართველოს მოქალაქეებს არ უშვებდნენ იქ, გავრილოვს იცავდნენ ჩვენგან. გეკითხებით, რატომ შემოუშვა გომელაურმა და სასაზღვრო პოლიციამ ოკუპაციის კანონის დარღვევით ეს ფაშისტი საქართველოში, რატომ მიამაგრა დაცვის პოლიციამ 5 ადამიანი, ესკორტით რატომ დაჰყავთ ეს ნაძირალა, რომელიც მოსკოვიდან გვმოძღვრავდა, რომ აფხაზეთის და ცხინვალის დამოუკიდებლობას უნდა შევურიგდეთ“, - განაცხადა გრიგოლ ვაშაძემ.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს