„გადადგეს საქართველოს პრეზიდენტი!“ - ათონელის რეზიდენციასთან აქციის მონაწილეები კარტოფილის ტომრებით მივიდნენ

2019-06-17 13:24:39, 1451 ნახვა

საზოგადოება

"გადადგეს საქართველოს პრეზიდენტი!" - ამ მოთხოვნით ათონელის რეზიდენციასთან აქცია მიმდინარეობს.

აქციას ორგანიზაცია "ერთად სახლში" მართავს. აქციის მონაწილეებს პრეზიდენტის რეზიდენციასთან კარტოფილით სავსე ტომრები აქვთ მიტანილი. როგორც ორგანიზატორები აცხადდებენ, სალომე ზურაბიშვილი თანამდებობაზე კარტოფილზე და ბოსტნეულზე ნაყიდი ხმებით მოხვდა.

მათივე თქმით, აქციას ქართველი ემიგრანტები აფინანსებენ.

„ემიგრანტები თვლიან, რომ ის არის თვითმარქვია პრეზიდენტი და კარტოფილი ასოცირდება ზუსტად მის ხელისუფლებაში მოსვლასთან, ამიტომ სიმბოლურად გამოვიყენეთ კარტოფილი, თუმცა, ისინი არიგებდნენ შეშას, ფქვილს, ხახვს... სიმბოლურად ყველას დაურიგდება კარტოფილი. ეს გაგრძელდება მანამ, სანამ არ გადადგება მისი დაკავებული პოსტიდან სალომე ზურაბიშვილი“, - განაცხადა ორგანიზაციის ხელმძღვანელმა, სალომე ჭელიძემ.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან