2015-07-01 17:19:53, 572 ნახვა
საზოგადოება
არჩილ ყარაულაშვილი ბელარუსის დელეგაციას შეხვდა
ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის პირველი მოადგილე არჩილ ყარაულაშვილი მთავრობის ადმინისტრაციაში ბელარუსის სამთავრობო უწყებების წარმომადგენლების დელეგაციას შეხვდა.
ბელარუსის დელეგაცია საქართველოს ევროკავშირის პროექტებში მონაწილეობის გამოცდილების გასაზიარებლად ეწვია.
ბელარუსის სხვადასხვა სამთავრობო უწყების წარმოამადგენლებს არჩილ ყარაულაშვილმა ინფორმაცია მიაწოდა საქართველოს ევროკავშირში ინტეგრაციის პრიორიტეტებისა და ევროკავშირის დახმარების შესახებ. მან ყურადღება გაამახვილა აღმოსავლეთ პარტნიორობის ფორმატში მომდინარე თანამშრომლობასა და გამოცდილების ურთიერთგაზიარებაზე.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
