საქართველოს წყლის, სანიტარიისა და ჰიგიენის (WASH) პროექტის ფარგლებში, დღეს, აშშ-ს საერთაშორისო განვითარების სააგენტოს (USAID), აჭარის ავტონომიური რესპუბლიკის ჯანმრთელობის და სოციალური დაცვის და აჭარის ავტონომიური რესპუბლიკის განათლების, კულტურისა და სპორტის სამინისტროებს შორის ურთიერთგაგების მემორანდუმი გაფორმდა.

როგორც "ექსპრესნიუსს" აჭარის ჯანდაცვის სამინისტროდან აცნობეს, მემორანდუმს ხელი აშშ-ს საერთაშორისო განვითარების სააგენტოს მისიის დირექტორმა სტივენმ ჰეიკინიმ, ჭარის ჯანდაცვის მინისტრმა ნუგზარ სურმანიძემ და აჭარის განათლების მინისტრმა გიორგი თავამაიშვილმა მოაწერეს.

პროექტი მოიცავს აჭარის სოფლებში 20 საჯარო სკოლის და 10 პირველადი ჯანდაცვის დაწესებულების (პჯდ)WASH ინფრასტრუქტურის რეაბილიტაციას, სკოლების პერსონალისა და მოსწავლეების განათლებას და თემის მობილიზაციას.

მემორანდუმის მიზანია აჭარაში WASH ინფრასტრუქტურის გაძლიერებისა და ქცევითი სტანდარტების შეცვლის წახალისება, რაც მოწოდებულია დიარეული დაავადებების ინციდენტობის შემცირებისათვის.

WASH–ის გაიდლაინების მიხედვით, ტრეინინგები ჩაუტარდება პჯდ–ების 20 თანამშრომელს, სკოლის მასწავლებლებს და სამეურვეო საბჭოების წევრებს (200 ადამიანი), თანასწორთა განმანათლებლებს (200 ბავშვი) და მოსწავლეებს (დაახლოებით 2000 ბავშვი). დამატებით, თითოეულ სამიზნე დაწესებულებაში მომზადდება ინფრასტრუქტურის მოვლა–პატრონობისათვის პერსონალი.

პროექტის ფარგლებში ჩამოყალიბებულია WASH კომიტეტები, რომლებიც უზრუნველყოფენ პროექტის მიმდინარეობაზე ზედამხედველობას და მიღწეულის შედეგების შემდგომ მდგრადობას.

მემორანდუმის ფარგლებში საიმინისტროები ხელს შეუწყობენ WASH პროექტის ფარგლებში განხორციელებული სამუშაოების მხარდაჭერას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა

შსს მალანიაზე: ჰქონდა ინფორმაცია ავალიანზე თავდასხმაზე და პოლიციას არ შეატყობინა

დროა: ელენე ხოშტარია ციხიდან ვივამედში გადაჰყავთ, უკვე გზაშია

საგანძურის მარათონი დაიწყო - შემოუერთდი საგანძურის მაძიებლებს თიბისის მობაილბანკში