„არჩილ თალაკვაძე 2013 წლამდე ჩემი ასისტენტი იყო - რამდენი სარეკომენდაციო წერილი დამიწერია ამ ბიჭისთვის, რამდენი რამ გამიკეთებია, ეხლა კი, ჩემს წინააღმდეგ წავიდა“, - ამის შესახებ გაერთიანებული ოპოზიციის ზუგდიდის მერობის კანდიდატმა, სანდრა რულოვსმა ჟურნალისტებს განუცხადა.

როგორც მან აღნიშნა, აქვს მოლოდინი, რომ ზუგდიდის მერობის არჩევნებში ხალხი გაიმარჯვებს.

 „თალაკვაძე რომ ლაპარაკობს, წინა მთავრობა როგორი ცუდი იყო, ამის ნაწილი იყო თავიდან ბოლომდე. ის იყო ჩემი ასისტენტი 2013 წლამდე. ჯენევაში როცა დავდიოდი კონფერენციებზე და გრანტებს მოვიპოვებდი საქართველოსთვის, ის იყო ჩემი ასისტენტი. სირცხვილია უბრალოდ აქ რომ ცდილობს ჩემს წინააღმდეგ ასეთი ბოროტების ჩადენას. ის მიცნობს პირადად, ამდენი წელი ერთად ვთანამშრომლობდით, რამდენი სარეკომენდაციო წერილი დამიწერია ამ ბიჭისთვის, რამდენი რამ გამიკეთებია, ეხლა კი, ჩემს წინააღმდეგ წავიდა. დღეს შევიკავე თავი, დავინახე ეზოში მშვიდად იდგა, მაგრამ ეხლა რას მაიმუნობს შიგნით და რას მავნებლობს, ძალიან კარგად ვიცი. ამას არ ვაპატიებ, იმან მაინც უნდა იცოდეს მე ვინ ვარ და რა დგას ჩემს უკან. ის უყურებს ეხლა ბიძინა ივანიშვილი როგორ დაუკრავს ტაშს, მე კი ველოდები ხალხის გამარჯვებას. მე მამოძრავებს ხალხი, რომელსაც ცრემლი აქვთ თვალზე როდესაც მაცილებენ, თქვენ იმედი გვაქვს და ბოლო იმედი თქვენ ხართო. ის იმ იმედით დგას აქ, რომ ივანიშვილმა პრემიები გადაურიცხოს ან პრემიერად დანიშნოს“, - განაცხადა სანდრა რულოვსმა.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს