2019-04-25 12:52:27, 1915 ნახვა
სამართალი
შინდისში ავარიის შედეგად 5 მოზარდი დაშავდა
გორის რაიონის სოფელ შინდისში, ავტოსაგზაო შემთხვევის შედეგად 5 მოზარდი დაშავდა.
არსებული ინფორმაციით, მსუბუქი ავტომობილი, რომელშიც მოზარდები იმყოფებოდნენ გადაჭარბებული სიჩქარით მოძრაობდა. მძღოლმა საჭე ვერ დაიმორჩილა და გაზის მილს შეეჯახა, შემდეგ კი, ავტომობილი ამოტრიალდა.
როგორც „ექსპრესნიუსს“ შინაგან საქმეთა სამინისტროს საზოგადოებასთან ურთიერთობის სამსახურში განუცხადეს, მოზარდებმა მსუბუქი დაზიანებები მიიღეს.
მომხდარზე გამოძიება სსკ-ის 276-ე მუხლის მეორე ნაწილით მიმდინაროებს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
ავტორი: ექსპრესნიუსი,
epn.ge (@expressnews.ge)
