საფინანსო-საბიუჯეტო კომიტეტის სხდომაზე ფინანსთა მინისტრმა ივანე მაჭავარიანმა და ფრაქცია „ნაციონალური მოძრაობის“ თავმჯდომარე რომან გოცირიძემ მწვავედ იკამათეს.

მაჭავარიანმა კითხვებზე პასუხისას განაცხადა, რომ ისეთი ტყუილები, რაც სხდომაზე რომან გოცირიძემ გააჟღერა, არც ერთი დეპუტატისგან არ მოუსმენია.

„ვერც ერთზე ვერ ვიტყვი, რომ რომელიმე იტყუებოდა, ინტერპრეტაციები იყო, მაგრამ ესე ღია, პირწმინდა ტყუილები დღეს არც ერთ დეპუტატს არ უთქვამს. ღიად შეგიძლიათ ამ ასაკის კაცს, პირდაპირ მოიტყუოთ და წარბი არ გიტოკავთ“, - მიმართა მაჭავარიანმა გოცირიძეს.

საპასუხოდ, გოცირიძემ მინისტრს კითხვებზე პასუხის გაცემისკენ მოუწოდა, წინააღმდეგ შემთხვევაში კი, „გაშვებით“ დაემუქრა: „ზიხართ აქ და დემაგოგობთ. გაპასუხებინებთ თუ არა და გაგიშვებთ“.

თავის მხრივ მაჭავარიანმა დეპუტატს შემდეგი რეპლიკით მიმართა: „თქვენი გასაშვები რომ გავხდები, მაშინ დაიქცა ეს ქვეყანა“.

რამდენიმე წუთიანი კამათის შემდეგ საფინანსო კომიტეტის თავმჯდომარე ირაკლი კოვზანაძემ მინისტრს და დეპუტატებს სიმშვიდისკენ მოუწოდა, თუმცა სხდომა კვლავ კამათი ფონზე გაგრძელდა.

ავტორი: ექსპრესნიუსი,

სოციალური ქსელები

საქართველოს რეგიონული განვითარების სამინისტრო სექტემბერში გაუქმდება

შეიქმნება რეგიონული პოლიტიკის საკითხებში სახელმწიფო მინისტრის თანამდებობა, რომელსაც მამუკა მდინარაძე დაიკავებს

იან კელი და დევიდ კრამერი: აშშ-მა და ევროკავშირმა „ქართულ ოცნებაზე“ ზეწოლა უნდა გააძლიერონ

PHR: სააპელაციომ დააკმაყოფილა ბექა შონიასთვის სამედიცინო მომსახურების შინ მიღების მოთხოვნა