„მოვლენის ხელოვნურად პროვოცირება ხდება იმის გამო, რომ მერე დაჩაგრულის როლში გამოვიდნენ“, - ასე ეხმაურება პარლამენტის ჯანდაცვის კომიტეტის თავმჯდომარე აკაკი ზოიძე სამეგრელოში მომხდარ ინციდენტს, რა დროსაც „ნაციონალური მოძრაობის“ წარმომადგენლები დააკავეს.

ზოიძე იმედს გამოთქვამს, რომ წინასაარჩევნო პერიოდი და არჩევნები მშვიდობიანად ჩაივლის.

„რა თქმა უნდა ხელისუფლების პირველი პასუხისმგებლობა არის უზრუნველყოს სიმშვიდე. ამ კონკრეტულ შემთხვევაში მოვლენის ხელოვნურად პროვოცირება ხდება იმის გამო, რომ მერე დაჩაგრულის როლში გამოვიდნენ და თქვან რომ ხელისუფლებას ჰყავს ზონდერები და ოპოზიციას ატერორებს. ეს „ნაციონალური მოძრაობის“ ცნობილი ტაქტიკაა, ზოგადად ისე ხდება, რომ ამომრჩეველი დაჩაგრულის მიმართ სიმპათიით არის განწყობილი. „ნაციონალური მოძრაობა“ ძალადობით ცნობილი რეჟიმის წარმომადგენელია. დიდი იმედი მაქვს არჩევნები, მათ შორის წინასაარჩევნო პერიოდი მშვიდობიანად ჩაივლის. ამისკენ მოვუწოდებ ოპონენტებსაც“, - ამბობს აკაკი ზოიძე.

შეგახსენებთ, რომ გუშინ ზუგდიდში  „ნაციონალური მოძრაობის“ პრესსამსახურის უფროსი გიორგი პატარაია, პარტიის წევრები ანი წითლიძე და მანუჩარ ჩხეტია დააკავეს. მოგვიანებით, გიორგი პატარაია და ანი წითლიძე გაათავისუფლეს. მანუჩარ ჩხეტია ამ დრომდე დაკავებულია.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს