ავსტრიაში ბლოკჩეინის საერთაშორისო სამიტზე საჯარო რეესტრის გამოცდილება განიხილეს

საჯარო რეესტრის ეროვნული სააგენტოს მიერ ბლოკჩეინის ტექნოლოგიის გამოყენების გამოცდილება ავსტრიაში, ქალაქ  ვენაში გამართულ საერთაშორისო სამიტზე:  ANON Blockchain Summit Austria 2019 განიხილეს.

საჯარო რეესტრის პროექტების  მართვისა და გაყიდვების სამსახურის უფროსის მოვალეობის შემსრულებელმა მარიამ ტურაშვილმა, რომელიც სამიტზე ორგანიზატორების მოწვევით იმყოფებოდა, მოხსენება „ბლოკჩეინის გამოყენება მიწის რეგისტრაციაში"  წარადგინა.  მან აუდიტორიას უძრავი ქონების რეგისტრაციაში ბლოკჩეინ ტექნოლოგიის გამოყენების მიმართულებით  საჯარო რეესტრის გამოცდილება გააცნო, ასევე პროექტის სამომავლო გეგმებზე,  შესაძლებლობებსა და გამოწვევებზე ისაუბრა.  დღეის მდგომარეობით,    საჯარო რეესტრის ეროვნული სააგენტოდან ბლოკჩეინის ქსელში 2 მილიონი ამონაწერის შესახებ ინფორმაციაა  გაგზავნილი.

საერთაშორისო სამიტი  ANON  Blockchain Summit Austria 2019 სამთავრობო და  ბიზნეს სექტორისთვის ბლოკჩეინის ტექნოლოგიის გამოყენების შესაძლებლობებს  დაეთმო. სამიტზე 80-ზე მეტი  მომხსენებელი წარდგა, მათ შორის, ავსტრიის ციფრულ და ეკონომიკურ საქმეთა ფედერალური მინისტრი  მარგარეტ შრამბოკი, რომელმაც   სახელმწიფო სექტორში ბლოკჩეინის დანერგვის მნიშვნელობაზე გაამახვილა ყურადღება.  ევროკომისიის წარმომადგენელმა ჯოზეფ ვასაკმა ასევე ევროპის ქვეყნებისთვის ბლოკჩეინის ტექნოლოგიის მიმართულებით განვითარების მნიშვნელობას და აუცილებლობას გაუსვა ხაზი.     

სამიტს მსოფლიოს სხვადასხვა ქვეყნიდან ბლოკჩეინის პროექტების ინვესტორები, სამთავრობო, არასამთავრობო და ბიზნესის სექტორის 1500-ზე მეტი წარმომადგენელი ესწრებოდა. 

(NS)

ავტორი: ექსპრესნიუსი,

სოციალური ქსელები

ქარელის და მასრნერულის საბავშვო ბაღებში ბავშვებს საქონლის ხორცის ნაცვლად ცხენის ხორცს აჭმევდნენ

ქართველმა და ესპანელმა სამართალდამცველებმა ქალაქ ვალენსიაში ქართული ორგანიზებული დანაშაულებრივი ჯგუფის წევრები დააკავეს

არქიმანდრიტი დოროთე - შიო მესამეს თავისი დარღვეული სწავლება სისრულეში მოჰყავს

ნარმანია: წინასწარი შეფასებით, II სისტემური ავარიის მიზეზი იმერეთის ხაზზე ავარია იყო