თბილისის ღამის ეკონომიკის განვითარების პროექტისა  და “თბილისის სტარტაპ ბიუროს“ ერთობლივი პროექტის - Night Lab-ის პირველი ჰაკათონი, რომელიც 48 საათის განმავლობაში  „ღვინის ქარხანაში“ მიმდინარეობდა დასრულდა. 

Night Lab არის ინოვაციების ხელშემწყობი რეგულარული საჯარო ღონისძიებების სერია, რომლის ფარგლებშიც, კრეატიული ადამიანები იკრიბებიან, ახდენენ პროდუქტების ან ბიზნეს იდეების გენერირებას, რომლებსაც აღასრულებენ ან გარკვეულ ეტაპამდე მიჰყავთ. 

სერიის მიზანია, ღამის ეკონომიკის ჭრილში, მიკრო, მცირე და საშუალო ბიზნეს პროექტებისა და პროდუქტების განვითარება, ინოვაციური იდეების გენერირება და ხელშეწყობა.

Night Lab-ის პირველ ჰაკათონში 15 გუნდი მონაწილეობდა, რომლებმაც შესარჩევი ტური წარმატებით გაიარეს. შერჩეული გუნდები ორი დღის განმავლობაში გუნდური მუშაობის შედეგად და კომპეტენტური მენტორების ზედამხედველობის პირობებში მუშაობდნენ  ციფრულ სერვისებზე, პროდუქტის პროტოტიპებზე, აპლიკაცია/ვებგვერდებზე, მოწყობილობებზე  ან მონაცემების მოძიებისა და ვიზუალიზაციის საშუალებებზე, რომლებიც რელევანტური იქნება ღამის ეკონომიკის გაძლიერებისთვის.

დასკვნით ღონისძიებაზე გუნდებმა საკუთარი პროექტები კომპეტენტური ჟიურის წინაშე წარადგინეს.  სპეციალურად შემუშავებული შეფასების სისტემის მეშვეობით ჟიურიმ სამი გამარჯვებული გუნდი გამოავლინა: პირველი ადგილი - გუნდი “ამპლიტუდა”, მეორე ადგილი - Denoiser; მესამე ადგილი - Night Coin.

გამარჯვებულ  გუნდებს  3 000, 2 000 და 1 000 ლარის ოდენობის ფულადი ჯილდო და სხვა პრიზები გადაეცათ.

პროექტის პარტნიორები არიან: Orient Logic, Grant Thornton Georgia, Spark, Edison, Dunkin, Wendy's, და GITA. პროექტის მთავარი მედიაპარტნიორია 4U.ge

(NS)

ავტორი: ექსპრესნიუსი,

სოციალური ქსელები

ქარელის და მასრნერულის საბავშვო ბაღებში ბავშვებს საქონლის ხორცის ნაცვლად ცხენის ხორცს აჭმევდნენ

ქართველმა და ესპანელმა სამართალდამცველებმა ქალაქ ვალენსიაში ქართული ორგანიზებული დანაშაულებრივი ჯგუფის წევრები დააკავეს

არქიმანდრიტი დოროთე - შიო მესამეს თავისი დარღვეული სწავლება სისრულეში მოჰყავს

ნარმანია: წინასწარი შეფასებით, II სისტემური ავარიის მიზეზი იმერეთის ხაზზე ავარია იყო