ეკონომიკის და მდგრადი განვითარების მინისტრი გიორგი ქობულია გამორიცხავს, რომ საბანკო რეგულაციები, რომელიც 1-ელი იანვრიდან ამოქმედდა, სრულად გაუქმდეს.

მინისტრის განმარტებით, საბანკო რეგულაციები იმისთვის მიიღეეს განსაზღვრულ პიროვნებებს, ვისაც არ ჰქონდა ვალდებულების გასტუმრების საშუალება, სესხი ვერ აეღოთ. 

ქობულიას თქმით, პროცესზე დაკვირვების შემდეგ მიიღებენ გადაწყვეტილებას რეგულაციებში კორექტირება შეიტანონ თუ არა. 

„ავირჩიეთ მიმართულება, რომელსაც არ გადავუხვევთ. ამ მიმართულების შიგნით შეიძლება მოხდეს განსაზღვრული ციფრების კოეფიციენტის და სხვადასხვა ელემენტების კორექტირება, მაგრამ ვექტორები და მიმართულებები არ შეიცვლება. ეს ბუნებრივი პროცესია, ჩვენ ვაკვირდებით პროცესს და სტატისტიკურ ინფორმაციაზე დაყრდნობით გადავწყვიტავთ საჭირო გახდება თუ არა კორექტირება. ეს რეგულაციები იმიტომ იყო მიღებული, რომ განსაზღვრულ პიროვნებებს ვისაც არ ჰქონდა ვალდებულების გასტუმრების საშუალება სესხი ვერ აეღოთ. ამ რეგულაციების სრულად გაუქმება აბსოლუტურად გამორიცხულია. ჩვენ არჩეულ ვექტორებს არ გადავუხვევთ. რეგულაციები იმისთვის არის განსაზღვრული, რომ დავიცვათ მოსახლეობა და განსაკუთრებით, მოსახლეობის დაბალშემოსავლიანი შრეები იმისგან, რომ არ აიღონ უაზრო კრედიტები“,- განაცხადა გიორგი ქობულიამ.

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი