„მშენებლობებს ვაგრძელებთ იმიტომ, რომ ეს მნიშვნლეოვანია სერვისების ხელმისაწვდომობისთვის. მშენებლობა მიმდინარეობს, მალე დასრულდება და  მაის-ივნისში ჩვენ ხონში გავხსნით იუსტიციის სახლს. იუსტიციის სახლის მშენებლობა მიმდინარეობს ბოლნისშიც“, - ამის შესახებ პარლამენტის პლენარულ სესიაზე გამოსვლისას იუსტიციის მინისტრმა თეა წულუკიანმა განაცხადა.

მისი თქმით, ბოლო ერთი წლის განმავლობაში იუსტიციის სახლი 3 ქალაქში გაიხსნა: „ინფრასტრუქტურული გაძლიერება ვახსენე და მინდა გითხრათ, რომ ბოლო ერთი წლის განმავლობაში იუსტიციის სახლები გაიხსნა, სენაკში, მარტვილსა და ახალქალაქში. გაიხსნა საზოგადოებრივი ცენტრები ლანჩხუთში, აწყურში, სანიორეში, ნაფარეულში, ზედა საზანოში, ლესიჭინეში, საჩხერეში, წნორში, დმანისში, ახალსოფელში, მუხრანში, უდაბნოსა და საწირეში. ქორწინების სახლები გაიხსნა ახალქალაქში, მარტვილსა და სენაკში".

მინისტრმა იუსტიციის სახლის სამომავლო მშენებლობებზეც ისაუბრა და ის ქალქები დაასახელა, სადაც 2020 წლის ბოლომდე იუსტიციის სახლის ფილიალების მშენებლობაა დაგეგმილი.

„მიმდინარე და 2020 წლამდე დაგეგმილ იუსტიციის სახლებს რაც შეეხება, ხონზე და ბოლნისზე უკვე მოგახსენეთ. სამუშაოები მზადდება და წელსვე დაიწყება მშენებლობები ქარელში, სამტრედიაში, წყალტუბოში, ხაშურში, გარდაბანსა და ზესტაფონში. ამით, ძვირფასო დეპუტატებო, 2020 წლისთვის ამ ხელისუფლების პირობებში, შეგვეძლება ვთქვათ, რომ აშენდა და გაიხსნა 18 იუსტიციის სახლი და 70 საზოგადოებრივი ცენტრი, 6 რეგიონული არქივი და არაერთი სხვა ინფრასტრუქტურა. მე ვთვლი, რომ ამგვარი ინფრასტრუქტურული საქმიანობა არის უპრეცენდენტო იუსტიციის სისტემის განვითარების ისტორიაში და მე მინდა, სწორედ ამ ტრიბუნიდან მადლობა ვუთხრა თითოეულ იუსტიციელს, კოლეგა უწყებებს, მაჟორიტარებს, მუნიციპალიტეტებს და ყველას, ვინც ამაში დაგვეხმარა“, - განაცხადა იუსტიციის მინისტრმა. 

აღსანიშნავია, რომ 2013 წლიდან - დღემდე უკვე აშენდა და გაიხსნა ზუგდიდის, ფოთის, თიანეთის, ყაზბეგის, ბორჯომის, ლაგოდეხის, ონის, ახალქალაქის, მარტვილის, სენაკის იუსტიციის სახლები.

(NS)

ავტორი: ექსპრესნიუსი,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება