სამოქალაქო აქტივისტებმა სოფელი ხურვალეთის შესასვლელი დატოვეს, - ამის შესახებ ანტისაოკუპაციო მოძრაობა „ძალა ერთობაშიას“ აქტივისტმა დავით ქაცარავამ ჟურნალისტებს მას შემდეგ  განუცხადა, რაც აქტივისტთა ნაწილმა ხურვალეთის ტერიოტირია დაათვალიერეს და არსებულ ვითარებას გაეცნენ.

მისივე თქმით, ითხოვენ, სამართალდამცავებმა სოფელ ხურვალეთში, საოკუპაციო ხაზთან 24-საათიან რეჟიმში პატრულირება მოახდინონ.

თავის მხრივ, ანტისაოკუპაციო მოძრაობა საოკუპაციო ხაზთან მყოფ სოფლებსი თავადაც განაგრძობს პატრულირებას.

„ჩვენ ამ წუთას აქედან მივდივართ, ვინაიდან რუსების აქ ყოფნა არ დაფიქსირდა, მაგრამ ჩვენ ვაფიქსირებთ ჩვენს მოთხოვნას, რომ პოლიცია 24-საათიან რეჟიმში პატრულირებდეს იმ მონაკეთს. ჩვენ გავაგრძელებთ ჩვენს პატრულირებას, რასაც ვაწარმოებთ 21 თვის განმავლობაში საოკუპაციო ხაზთან. ჩვენ გავაგრძელებთ პატრულირებას ხურვალეთში, ატოცში და ყველა იმ სოფელში, რომელიც მდებარეობს საოკუპაციო ხაზთან. ეს არის ჩვენი გეგმის საერთო მონახაზი“, - განაცხადა დავით ქაცარავამ.

შეგახსენებთ, გუშინ სოციალურ ქსელში გავრცელდა ინფორმაცია, რომ სოფელ ხურვალეთში რუსი სამხედროები ქართული მხარის მიერ კონტროლირებად ტერიტორიაზე გადმოვიდნენ და მოსახლეობის კუთვნილ ბაღებში განთავსდნენ. ხურვალეთში მიმდინარე პროცესებთან დაკავშირებით განცხადება სახელმწიფო უსაფრთხოების სამსახურმა გაავრცელა და  ოკუპანტების ქართული მხარის კონტროლირებად ტერიტორიაზე გადმოსვლა არ დაადასტურა. სუს-მა ასევე ყველას მოუწოდა, პროვოკაციული განცხადებებისგან თავი შეეკავებინათ. ინფორმაციას ევროკავშირის სადამკვირვებლო მისიის ხელმძღვანელი ერიკ ჰოეკიც გამოხმაურა. მან აღნიშნა, რომ ახალი ბორდერიზაციის კუთხით, მოქმედებები არ შეიმჩნეოდა და არც ინციდენტი დაფიქსირებულა.

ავტორი: ,

სოციალური ქსელები

კობახიძე – აგვისტოს ომი „ნაციონალური მოძრაობის“ რეჟიმისა და მისი მიმდევრებისთვის 2008-2012 წლებში არ იქცა საკმარის საფუძვლად რუსეთის მიმართ რადიკალური განწყობის ჩამოსაყალიბებლად

კობახიძე – საინტერესოა, რატომ არ ჰქონდა აგენტურას დავალებული რუსოფობობა 2008 წლის აგვისტოს ომის შემდეგ და რატომ დაევალათ ახლა

ბათუმის მერიის თანამშრომელმა დიდი ოდენობით ქრთამი აიღო, იგი დაკავებულია

რუსეთმა სუმი დაბომბა, რის შედეგადაც სამი ადამიანი დაიღუპა