შინაგან საქმეთა სამინისტრო გლდანის მე-6 მიკრო რაიონში, „საქართველოს ბანკის“ ექსპრეს ფილიალზე მომხდარ თავდასხმასთან დაკავშირებით ინფორმაციას ავრცელებს.

როგორც უწყებაში აცხადებენ, თავდასხმის შედეგად არავინ დაშავებულა.

მათივე ცნობით, ამ ეტაპზე არ დასტურდება ბანკიდან ფულის გატაცების ფაქტი.

„შინაგან საქმეთა სამინისტრომ მომხდარზე გამოძიება საქართველოს სიახლის სამართლის კოდექსის 179-ე (ყაჩაღობა), 236-ე (ცეცხლსასროლი იარაღის მართლსაწინააღმდეგო შეძენა-შენახვა) 143-ე (თავისუფლების უკანონო აღკვეთა) მუხლებით დაიწყო.

შემთხვევის ადგილზე მუშაობენ პოლიციის შესახამისი დანაყოფები, ექსპერტ-კრიმინალისტები, ინტენსიურ რეჟიმში მიმდინარეობს საგამოძიებო-ოპერატიული ღონისძიებები“, - აცხადებენ სამინისტროში.

შეგახსენებთ, თბილისში, გლდანის მე-6 მიკრო რაიონში, „საქართველოს ბანკის“ ერთ-ერთ ფილიალს თავს დაესხნენ. თვითმხილველების განცხადებით, ბანკში რამდენიმე პირი შეიჭრა, საპატრულო პოლიციის ადგილზე მისვლის შემდეგ კი, მათ სამართალდამცავებს ცეცხლი გაუხსნეს. თვითმხილველები ამბობენ, რომ თავდასხმელებმა მძევალი აიყვანეს და სწორედ მას შემდეგ მოახერხეს ტერიტორიიდან მიმალვა, თუმცა შსს-ს მძევლის აყვანის ფაქტზე ამ ეტაპზე არ ადასტურებს.

ავტორი: ,

სოციალური ქსელები

აშშ ირანს 7 საათის განმავლობაში ბომბავდა

ამერიკის შეერთებულმა შტატებმა ირანის წინააღმდეგ ახალი სანქციები დააწესა

ოდესის სანაპიროსთან დაბომბეს გემი, რომელზეც აზერბაიჯანელები იმყოფებოდნენ

აშშ-ის კონგრესი ემზადება, ტრამპს მიანიჭოს უფლებამოსილება, დააწესოს 100%-მდე ტარიფები რუსული ნავთობის მყიდველებისთვის