"ნაციონალური მოძრაობა" შინაგან საქმეთა მინისტრის გიორგი გახარიას გადადგომას ითხოვს.

როგორც პარტიის წევრმა რომან გოცირიძემ განმარტა, შს მინისტრის გადადგომის საკითხი, მას შემდეგ დადგა, რაც "თიბისი ბანკის: დამფუძნებელმა მამუხა ხაზარაძემ განაცხადა, რომ მინისტრისგან მუქარის შემცველი წერილი მიიღო. 

"დღევანდელი კომიტეტის სხდომაზე ჩვენ მომსწრეები გავხდით ბიზნესზე უპრეცედენტო ზეწოლის, მაგრამ აღმოჩნდა, რომ ეს ჯერ კიდევ არ არის ის, რაც თურმე ხდებოდა ჩვენს ქვეყანაში. ჩვენ დავინახეთ და პირდაპირ განაცხადეს ამის შესახებ, მათ შორის, მამუკა ხაზარაძემ, რომ მათზე შანტაჟს ახორციელებდა შს მინისტრი გიორგი გახარია, მას ჰქონდა მრავალი მოთხოვნა, როგორც ჩანს, პოლიტიკური ხასიათისაც და ამ მოთხოვნებს იგი წერდა წერილობითი ფორმით და შანტაჟის დამადასტურებელი დოკუმენტიც არსებობს ბატონი ხაზარაძის ხელთ. ეს არის წარმოუდგენელი სითავხედე, წარმოუდგენელი ძალადობა, ამიტომ "ნაციონალური მოძრაობა" მოვითხოვთ, რომ დღესვე აღიძრას სისხლის სამართლის საქმე ამ ფაქტზე და ბატონი გახარია გადადგეს დაკავებული თანამდებობიდან. ამ განხილვებიდან ჩვენ ვხედავთ, რომ პროცესი გასცდა საფინანსო სფეროს და ანაკლიის პროექტის საკითხს. ჩვენ დღეს ვხედავთ ხელისუფლება ძალადობს ყველა მიმართულებით. დროზე მოვიდეს ხელისუფლება გონს და შეწყვიტოს უსამართლო დევნა", - განაცხადა გოცირიძემ. 

ავტორი: ,

სოციალური ქსელები

კობახიძემ თინათინ რუხაძის და მისი მოადგილის გათავისუფლების შესახებ ბრძანება გამოსცა

სუს-მა ცეცხლსასროლი იარაღისა და საბრძოლო მასალის მართლსაწინააღმდეგო გასაღების ფაქტზე უცხო ქვეყნის მსხვილი კრიმინალური დაჯგუფების სამი წევრი დააკა

საგარეო მიესალმება ნაურუს მიერ ოკუპირებულ ცხინვალთან და აფხაზეთთან დიპლომატიური ურთიერთობების გაუქმებას

კუპრაძე - არაბული ინვესტიციები, რეალურად, არ არსებობს