ფრაქცია „ქართული ოცნება - სოციალ-დემოკრატების“ თავმჯდომარის გია ჟორჟოლიანის განცხადებით, მათი უმრავლესობაში ყოფნის რესურსი პრაქტიკულად ამოწურულია.

როგორც ჟორჯოლიანმა განმარტა, "სოციალ-დემოკრატები"  უმრავლესობას უახლოეს პერიოდში დატოვებენ და მხოლოდ ტექნიკური საკითხების მოგვარებაა დარჩენილი. 

“უმრავლესობაში ჩვენი ყოფნის რესურსი თანდათან იწურება. ვფიქრობ, რომ ამოიწურა ტაქტიკურად და დროის ამბავია როდის გაფორმდება ეს ამბავი და ეს არ არის თვეების ამბავი, ეს არის  უფრო მალე. შეიძლება კვირის ან კვირების ან დღეების", - განაცხადა ჟორჯოლიანმა. 

დეპუტატის თქმით, მისი პოლიტიკური ძალა ითანამშრომლებთ ყველასთან, ვინც მათ იდეებს გაითვალისწინებს გარდა “ნაციონალური მოძრაობისა” და “ევროპული საქართველოსი”. 

"ჩვენ “ნაციონალური მოძრაობის” დროინდელ რეპრესიებსა და ავტორიტარიზმს მიუღებლად მივიჩნევთ და ამ საკითხში სხვებთან ერთად ვართ, მაგრამ რაც შეეხება ეკონომიკურ პოლიტიკას, ჩვენ მოვითხოვთ რევოლუციურ ცვლილებებს, რასაც მიგვაჩნია, რომ ხალხი მხარს უჭერს. ამიტომ უმრავლესობაში მსჯელობისა და დისკუსიის რესურსი ამოწურულია და გვინდა ფართო საზოგადოების მხარდაჭერა მოვიპოვოთ, რამაც 2020 წელს უნდა უზრუნველყოს ისეთი პარლამენტი, რომელიც ქვეყნის განვითარებისთვის სასიკეთო ცვლილებებისთვის მზად იქნება”, - აღნიშნა მან. 

ავტორი: ,

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ