საქართველოს სახალხო დამცველი ნინო ლომჯარია ბერძნულ–რომაული სტილით მოჭიდავეთა ნაკრების კაპიტანს ზურაბ დათუნაშვილს შეხვდა და საქართველოს ჭიდაობის ფედერაციაში მის მიმართ განხორციელებული ზეწოლისა და განსხვავებული მოპყრობის შესახებ პირადად მიიღო ინფორმაცია.

„ეს ახალგაზრდა სპორტსმენი დღეს მარტო უპირისპირდება მთელ სისტემას და მინდა მას მხარდაჭერა გამოვუცხადო, ასევე ჩემს თანადგომას ვუცხადებ ყველა იმ სპორტსმენს, რომელიც შესაძლებელია უსამართლო და შერჩევით დამოკიდებულებას განიცდიდეს. ამასთან, არსებობს საფრთხე, რომ ზურას თამამი და მე ვფიქრობ, სწორი განცხადებების გამო, იგი შეიძლება მენეჯმენტის მხრიდან უსამართლო დამოკიდებულების მსხვერპლი გახდეს.

ჭიდაობა სპორტის უმნიშვნელოვანესი დარგია ჩვენი ქვეყნისათვის. ქართველ მოჭიდავეებს უამრავი სიხარული და ბედნიერება აქვთ მონიჭებული ჩვენი მოქალაქეებისათვის და სახელმწიფოსა და საზოგადოების მხრიდან მათ მხარდაჭერა სჭირდებათ, რათა გარკვეული არაფორმალური გავლენების გამო, ეს სპორტსმენები არ გახდნენ უსამართლო დამოკიდებულების მსხვერპლი და არ შეწყვიტონ კარიერა“, –განაცხადა ნინო ლომჯარიამ.

სახალხო დამცველი მიმართავს განათლების, მეცნიერების, კულტურისა და სპორტის მინისტრს, განსაკუთრებული ყურადღება გამოიჩინოს ჭიდაობის ფედერაციაში არსებული არაჯანსაღი ვითარების გამო, რათა ზურაბ დათუნაშვილს თავისი სპორტული კარიერის შეუზღუდავად და დაუბრკოლებლად გაგრძელების საშუალება მიეცეს.

ასევე, მიმართავს საჯარო ფინანსების განკარგვაზე პასუხისმგებელ ორგანოებს – შეისწავლონ ჭიდაობის ფედერაციაში ფინანსების მართვის გამჭვირვალობა და ხარჯების მიზანშეწონილობა.

შეხვედრის დასასრულს ზურაბ დათუნაშვილმა სახალხო დამცველს სრული მხარდაჭერისთვის მადლობა გადაუხადა.

ავტორი: ,

სოციალური ქსელები

თელავის მუნიციპალიტეტში დენის დარტყმის შედეგად, 56 წლის მამაკაცი დაიღუპა

ვეტერანებმა უკრაინაში მებრძოლი ზაალ ლატარიას შვილის ხსოვნას პატივი მიაგეს

რეჟიმი აპირებს, პუტინის მსგავსად ე.წ ეროვნული იდენტობის დაცვის საბაბით მორიგი რეპრესიული კანონი მიიღოს

კობახიძე - კოლექტიური ნაცმოძრაობა არ უნდა იყოს პოლიტიკური სისტემის ნაწილი, წინააღმდეგ შემთხვევაში პოლიტიკური სისტემა ჯანსაღი ფორმით ვერ განვითარდება