"ქვეყანაში 7 წლის თავზე ჯერ კიდევ გვაქვს ყველაზე დიდი გამოწვევა, ეს არის ვართ - თუ არა იმ ღირებულებების და ფასეულობების ერთგული, რომელსაც ვიზავდით ამ წლების განმავლობაში", - ამის შესახებ საპარლამენტო უმრავლესობის წევრმა ეკა ბესელიამ პლენარუ სხდომაზე სიტყვით გამოსვლისას განაცხადა. 

ბესელიას თქმით, "ქართული ოცნება" გარკვეული გამოცდის წინაშე დგას, რომელიც მანდ უნდა ჩააბაროს. 

"არც მეტი და არც ნაკლები - ჩვენ ძალიან სახიფათო და ძალიან საპასუხისმგებლო გადაწყვეტილების წინაშე ვიდექით, როდესაც პარლამენტს, როგორც საპარლამენტო რესპუბლიკის ხელისუფლების ყველაზე მნიშვნელოვან შტოს, თავს ახვევდნე გარკვეული ჯგუფები ძალიან საზიანო გადაწყვეტილების მიღებას. ჩვენ მოვახერხეთ, რომ პროცესი იმ ეტაპზე გადავიყვანეთ, რაც აუცილებელია იმისთვის, რომ ქვეყანაში სამართლიანობა და ადამიანის უფლებები აქსესუარი კი არ იყოს და ვისაც როდის უნდა, მაშინ კი არ ახსენდებოდეს, არამედ ეს იყოს ის მთავარი ხაზი, რისთვისაც ჩვენ 1-ელი ოქტომბერი მოვიყვანეთ. რაც დეკემბრის ბოლო კვირას მოხდა, არის მნიშვნელოვანი წყალგამყოფი და მნიშვნელოვანი გზა, რომლითაც ხელისუფლებამ უნდა დაინახოს, რა უნდა გააკეთოს. სამართლიანობის იდეაზე და ადამიანის უფლებებზე ლაპარაკობს დღეს ყველა. ეს ყალბი სოლიდარობაც, რომლის იქით იკითხება ძალიან სამწუხაროდ ის არაგულრწფელი დამოკიდებულება, რომელიც კიდევ ერთხელ მაფიქრებინებს მე პირადად, რომ ამ ქვეყანაში 7 წლის თავზე ჯერ კიდევ გვაქვს ყველაზე დიდი გამოწვევა - ეს არის ვართ თუ არა იმ ღირებულებების და ფასეულობების ერთგული, რომელსაც ვიზავდით ამ წლების განმავლობაში. ეს გამოცდა დღეს "ქართული ოცნების" წინაშე დგას. მნიშვნელოვანია, რომ ყველა ჩვენმა კოლეგამ გააცნობიეროს, რა მართლმსაჯულებას დავუტოვებთ ჩვენს მომავალ თაობებს", - განაცხადა ეკა ბესელიამ. 

ავტორი: ,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა