2019-01-24 11:26:28, 1442 ნახვა

---

კობერიძე - უნდა შევჯერდეთ, რომ ადამიანები, რომლებმაც მოსამართლეთა ამ სიას ხმა მისცეს, იუსტიციის საბჭოში არ უნდა იყვნენ

ფრაქცია "ქართული ოცნების" წევრის ლევან კობერიძის განცხადებით, საპარლამენტო უმრავლესობის დღევანდელ შეხვედრაზე სხვადასხვა შინაარსობრივ საკითხებზე იქნება მსჯელობა.

რაც შეეხება მოსამართლეების საკითხს, დეპუტატმა იმედი გამოთქვა, რომ ამასთან დაკავშირებით გუნდი საერთო დასკვნამდე მივა.

„იმედი მაქვს, საერთო დასკვნამდე მივალთ, რომ იუსტიციის საბჭოს ის წევრები, რომელთაც ხმა მისცეს უზენაესი სასამართლოს მოსამართლეობის კანდიდატთა სიას, თავის ნებით გადადგებიან და თანამდებობას დატოვებენ. უნდა შევჯერდეთ, რომ ეს ადამიანები იუსტიციის საბჭოში არ უნდა იყვნენ, რადგან ხელს უშლიან სამართლიანი სასამართლოს ფორმირებას“, – განაცხადა ლევან კობერიძემ.

ცნობისთვის, „ქართული ოცნების“ ცენტრალურ ოფისში საპარლამენტო უმრავლესობის სხდომა მიმდინარეობს. სხდომას პარტიის თავმჯდომარე ბიძინა ივანიშვილი ესწრება.

---

ავტორი: ,

---

დღის თემა

მთავარი თემა

ინტერვიუ - ექსკლუზივი