„76 ცხვარი უნდა გამოჩნდეს პარლამენტში, ვინც ამ მოსამართლეებს ხმას მისცემს. ვფიქრობ, არამარტო საკუთარ პოლიტიკურ კარიერაზე, არამედ მათ საგვარეულო ხაზზეც აისახება ეს“, - ამის შესახებ დეპუტატმა დავით ჭიჭინაძემ უზენაესი სასამართლოს მოსამართლეების საკითხთან დაკავშირებით განაცხადა.

მან იურიდიულ საკითხთა კომიტეტიდან გედევან ფოფხაძის გაწვევაზეც ისაუბრა და აღნიშნა, რომ ეს გადაწყვეტილება შეცდომა იყო.

„ეს იყო დიდი შეცდომა, იმიტომ, რომ შენ როდესაც ერთ-ერთ თანაგუნდელის გამოწვევის საკითხს კენჭისყრაზე აყენებ, პრინციპში, ამ ადამიანებში უკვე დაპირისპირებას და ერთმანეთისადმი უნდობლობას იწვევ. საკუთარი კოლეგის მიმართ ასეთ საქციელს, როცა ერთი ჯგუფის ინტერესებს ემსახურები და მეორე ჯგუფისას ფეხქვეშ თელავ, სხვა რაღაც ჰქვია. ვფიქრობ, „ქართულმა ოცნებამ“ არამარტო დაპირებების შესრულება გადადო გვერდზე, არამედ ძალიან ცუდ გზას დაადგა, რომელსაც ადამიანების ღირსების შელახვა ჰქვია. ღირსებაშელახული დეპუტატები ჩვენი საზოგადოებისთვის საკმაოდ მძიმე საყურებელი იქნება“, - განაცხადა დავით ჭიჭინაძემ.

შეგახსენებთ, გედევან ფოფხაძე იურიდიულ საკითხთა კომიტეტის წევრი აღარ იქნება. იგი კომიტეტიდან ფრაქცია „ქართულმა ოცნებამ“ გუშინ გაიწვია.

ავტორი: ,

სოციალური ქსელები

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის