"უკვე შევედით ისეთ საინტერესო ფაზაში, რომ მეორე ეტაპს ალბათ ნაადრევად დავიწყებ და რაღაცების მოყოლას დავიწყებ", - ამის შესახებ იურიდიულ საკითხთა კომიტეტის ჯერ კიდევ მოქმედმა თავმჯდომარე ეკა ბესელიამ განაცხადა.

შესაბამისი განცხადება დეპუტატმა მას შეემდეგ გააკეთა, რაც ადამიანის უფლებათა დაცვის კომიტეტის თავმჯდომარე სოფო კილაძესთან კამათი მოუვიდა. სოფო კილაძემ კომიტეტის სხდომაზე განაცხადა, რომ მისთვის გაუგებარია თუ რატომ აკავშირებს ეკა ბესელია თანამდებობის დატოვებას მოსამართლეების საკითხთან. კილაძემ განმარტა, რომ ბესელიას თანამდებობის წასვლის შესახებ ჟურნალისტები ჯერ კიდევ 3 თვის წინ ინტერესდებოდნენ.

ბესელიას თქმით, ყველაფერი სწორედ ამ სცენარით იგეგმებოდა.

"უკვე შევედით ისეთ საინტერესო ფაზაში, რომ მეორე ეტაპს ალბათ ნაადრევად დავიწყებ და რაღაცების მოყოლას დავიწყებ. რაც ადრე ცხადდებოდა და რაც ადრე გაჟღერდა, ხომ არ არის ეს დაკავშირებული ამ პროცესთან. როგორც სჩანს, ეს ცოტა ადრე იგეგმებოდა. რატომ იგეგმებოდა ეს ადრე, იქამდეც მივალთ და ვიღაც არ აღმოჩნდეს ამაზე უხერხულ მდგომარეობაში. ამაზე საუბარს აღარ გავაგრძელებ და ყველას ვურჩევ, ვინც დაკავებულია იმ პოზიციით, რომ ვერ გაუგია სად არის და რატომ არის, ვურჩევ ცოტა გაიაზროს პასუხისმგებლობა და ისე ილაპარაკოს. რადგან იმ ზონაში შევა, სადაც თვითონ დაიკარგება და ვეღარ გამოაგნებს გზას", - განაცხადა ეკა ბესელიამ. 

ავტორი: ,

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა