„ისეთ გაჭირვებულ ქვეყანაში, როგორიც საქართველოა, ხალხი კარგი ცხოვრების გამო კი არ ეწევა ამ სიგარეტს, სანერვიულო აქვს ძალიან ბევრი“, - ასე გამოეხმაურა პარლამენტის დეპუტატი დავით ჭიჭინაძე ჯანდაცვის კომიტეტის თავმჯდომარე აკაკი ზოიძის განცხადებას, რომლის თქმითაც, სიგარეტის ფასების ზრდა იმისთვის არის საჭირო, რომ ხალხმა მოწევას თავი დაანებოს.

ჭიჭინაძის განცხადებით, იმისთვის, სიგარტის მომხმარებელთა რაოდენობა შემცირდეს, არა ფასების ზრდა, არამედ ცხოვრების პირობების გაუმჯობესებაა აუცილებელი.

„ნებისმიერ პროდუქტზე ფასის ზრდამ მისი მოხმარება არ შეამცირა. სიგარეტთან მიმართებაში ისეთ გაჭირვებულ ქვეყანაში, როგორიც საქართველოა, ხალხი კარგი ცხოვრების გამო კი არ ეწევა ამ სიგარეტს, სანერვიულო აქვს ძალიან ბევრი. აქედან გამომდინარე, თუ სანერვიულოს მოაკლებთ, პენსიას გაუზრდით და კარგ პირობებს მისცემთ ცხოვრების, ამის შემდეგ შეიძლება ადამიანმა დაანებოს სიგარეტის მოწევას თავი. ადამიანმა ჯანმრთელი ცხოვრებით რომ იცხოვროს, სპორტულ-გამაჯანსაღებელი კომპლექსები უნდა იყოს ხელმისაწვდომი, რომელიც საკმაოდ ძვრია და ვერავინ ვერ მიდის. მაგაში თუ ევროკავშირს მიყვებით, მინდა გითხრათ, რომ მაგალითად, ავსტრიაში 90 ევრო ღირს მთელი წლის აბონიმენტი, სახელმწიფო აფინანსებს, ჩვენთან რა ღირს მაინტერესებს ან სად გაქვთ ზოგადად. აქედან გამომდინარე, იმ ნაწილში რომ ევროკავშირს ბაძავთ, ჯერ ევროკავშირისნაირი ხელფასები დანიშნეთ, სპორტულ-გამაჯანსაღებელი კომპლექსები იმ დონეზე მიიყვანეთ, როგორ ევროკავშირის ქვეყნებშია. თუ ადამიანებზე ზრუნვა გინდათ, ცხოვრება გაუიაფეთ, შემოსავლები გაუზარდეთ და იქნება ხალხი ბედნიერი, მერე დაფიქრდება ჯანმრთელად იცხოვროს თუ არაჯანმრთელად. მარიხუანაზეც იძახდით, რომ ჯანმრთელობას უხდებაო და სიგარეტი რატომ არ უხდება მაშინ ჯანმრთელობას?“, - განაცხადა დავით ჭიჭინაძემ.

ავტორი: ,

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა