„შს მინისტრმა წინა კვირას გვითხრა, რომ პასუხი არ აქვს ამ რეკომენდაციების შესრულებაზე, ამიტომ ჩვენი ამოცანაა, რომ პარლამენტში მივიღოთ დადგენილება, რომელშიც სამი მთავარი რეკომენდაცია ცალკე იქნება გამოყოფილი“, - ამის შესახებ „ევროპული საქართველოს“ ერთ-ერთმა ლიდერმა, სერგი კაპანაძემ ჟურნალისტებს განუცხადა.

როგორც კაპანაძემ დღეს იურიდიულ საკითხთა კომიტეტის სხდომაზე განმარტა, იმის მიუხედავად, რომ დროებითი საგამოძიებო კომისიის მიერ, ხორავას ქუჩაზე მომხდარი მკვლელობის საქმეზე მომზადებული რეკომენდაციები კანონმდებლებმა ჩააგდეს, საკითხი პლენარულ სხდომაზე მაინც გავა.

„ჩვენ მიგვაჩნია მიზანშეწონილად, რომ პარლამენტი დაუბრუნდეს ამ თემას დადგენილების სახით და სამი ყველაზე მნიშვნელოვანი კომპონენტი, რაც არის რეკომენდაციების ცალკე განიხილოს და თხოვოს შინაგან საქმეთა სამინისტროსა და მთავარ პროკურტურას, რომ ამ სამი რეკომენდაციის შესრულებაზე წარმოადგინოს ანგარიში“, - განაცხადა სერგი კაპანაძემ.

ამასთან, კაპანაძე აღნიშნა, რომ პარლამენტმა შინაგან საქმეთა სამინისტროსა და მთავარ პროკურატურას ძირითადი რეკომენდაციების შესრულებაზე ანგარიშის წარდგენა უნდა სთხოვოს. 

„რეკომენდაციები შესრულებული არ არის. შს მინისტრმა წინა კვირას გვითხრა, რომ პასუხი არ აქვს ამ რეკომენდაციების შესრულებაზე, ამიტომ ჩვენი ამოცანაა, რომ პარლამენტში მივიღოთ დადგენილება, რომელშიც სამი მთავარი რეკომენდაცია ცალკე იქნება გამოყოფილი. მ.კ.-ს მიმართ სისხლის სამართლებრივი დევნის დაწყება არის მირზა სუბელიანის ქმედებებზე გამოძიების დაწყება და საგამოძიებო კომისიამ მირზა სუბელიანის ქმედებებში უამრავი დარღვევა გამოკვეთა, დაწყებული ცრუ ჩვენების მიცემით, დამთავრებული საგამოძიებო პროცესში არასათანადო ჩარევით. მესამე არის შსს-სა და პროკურატურის იმ თანამშრომლების მიმართ საგამოძიებო მოქმედებების დაწყება, ვინც ამ საქმის გაყალბებაში მონაწილეობდა“, - აღნიშნა კაპანაძემ.

ავტორი: ,

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა