„შინაგან საქმეთა სამინისტრომ, მათ შესთავაზა აქ ჩამოსვლა შემოვლითი გზით, ამას სჭირდებოდა, დამატებით, დაახლოებით, 20 წუთი, თუმცა, ამის მაგივრად, მათ 2 საათი მოანდომეს პოლიციასთან დაპირისპირებას",- ამის შესახებ საქართველოს პარლამენტის თავმჯდომარემ გაერთიანებული ოპოზიციის საპროტესტო მსვლელობაზე საუბრისას განაცხადა.

ირაკლი კობახიძის შეფასებით, ეს არის პროვოკაცია, თუმცა, მას შინაგან საქმეთა სამინისტრო სათანადოდ პასუხობს.

„ეს არის მარტივი პროვოკაცია, ამაზე გუშინაც ვსაუბრობდით და დღეს დილითაც, ეს იყო მოსალოდნელი. ჩვენ ვიცით „ნაცმოძრაობის" ხელწერა და მათი სტილი. მარტივად, პოლიციამ, შინაგან საქმეთა სამინისტრომ, მათ შესთავაზა აქ ჩამოსვლა შემოვლითი გზით, ამას სჭირდებოდა, დამატებით, დაახლოებით, 20 წუთი, თუმცა, ამის მაგივრად, მათ 2 საათი მოანდომეს პოლიციასთან დაპირისპირებას. ეს არის ძალიან მარტივი პროვოკაცია, თუმცა, შინაგან საქმეთა სამინისტრო ამ  პროვოკაციას სათანადოდ პასუხობს და მე მინდა, თითეულ მათგანს, პოლიციელს, გადავუხადო მადლობა",- განაცხადა პარლამენტის თავმჯდომარემ.

ჟურნალისტებთან საუბრისას, ირაკლი კობახიძე სახალხო დამცველის განცხადებას გამოეხმაურა.

„დარწმუნებული ვარ, რომ სახალხო დამცველი არ იყო ინფორმირებული იმასთან დაკავშირებით, რომ შინაგან საქმეთა სამინიტრომ შესთავაზა აქციის მონაწილეებს ალტერნატიული მარშრუტი და ალბათ, ქალბატონი ნინო ლომჯარია არ არის ინფორმირებული იმასთან დაკავშირებით, რომ 20 წუთი სჭირდებოდა დამატებით, ალტერნატიული მარშრუტით თელავში ჩასვლას. ინფორმაცია რომ ჰქონოდა, ალბათ, ქალბატონი ნინო ამ განცხადებას არ გააკეთებდა",- განაცხადა პარლამენტის თავმჯდომარემ.​

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება