„მოცემულ სისხლის სამართლის საქმეზე შვიდივე ბრალდებულის მიმართ სასტუმროს 3 ნომრის ჩხრეკის შედეგად ამოღებული იქნა სხვადასხვა ცეცხლსასროლი იარაღი, საბრძოლო მასალა და ასაფეთქებელი მოწყობილობა“, - ამის შესახებ დაკავებული უკრაინის 6 და საქართველოს ერთი მოქალაქის საქმის პროკურორმა, ვასილ სამხარაძემ თბილისის საქალაქო სასამართლოში ჟურნალისტებს განუცხადა.

პროკურატურა ღონისძიების სახით პატიმრობის შეფარდებას მოითხოვს.

„ბრალდების მხარეს მიაჩნია, რომ შვიდივე ბრალდებულის მიმართ არსებობს აღკვეთის ღონისძიების გამოყენების, როგორც ფორმალური, ასევე ფაქტობრივი საფუძვლები. კონკრეტულად კი, მათი მხრიდან არსებობს მიმალვის, ახალი დანაშაულის ჩადენის, მტკიცებულებათა მოპოვების ხელის შეშლის საფრთხე. მოგეხსენებათ, მოცემულ სისხლის სამართლის საქმეზე შვიდივე ბრალდებულის მიმართ სასტუმროს 3 ნომრის ჩხრეკის შედეგად ამოღებული იქნა სხვადასხვა ცეცხლსასროლი იარაღი, საბრძოლო მასალა და ასაფეთქებელი მოწყობილობა. შვიდივეს წარდგენილი აქვს ბრალდება სსკ-ის 236-ე მე-3 და მე-6 „ა“ ქვეპუნქტით, რაც გულისხმობს ცეცხლსასროლი იარაღის, საბრძოლო მასალის და ასაფეთქებელი მოწყობილობის შეძენა-შენახვას ჯგუფურად“, - განაცხადა პროკურორმა.

შეგახსენებთ, შინაგან საქმეთა სამინისტრომ თბილისში, ლიხაურის ქუჩაზე მდებარე სასტუმრო „გურუსა“ და „ალიანსში“ სპეცოპერაცია ჩაატარა. შსს-ს მიერ გავრცელებული ინფორმაციით, დაკავებულები არიან უკრაინის მოქალაქეები: ო.ნ., რ.მ., დ.კ. ი.კ., ი.ო., ს.კ. და საქართველოს მოქალაქე ლ.ჩ.

ავტორი: ,

სოციალური ქსელები

რუსეთის უშიშროება: უკრაინის უსაფრთხოების სამსახური მოსკოვის ოლქში სტრატეგიულ ობიექტზე დრონებით მასშტაბურ თავდასხმას გეგმავდა

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით

სუს: 9 რეგიონში ჩატარებული ღონისძიების შედეგად, დაკავებული და სისხლის სამართლის პასუხისგებაში მიცემულია 28 პირი

ფოთი - ჭადრაკის ქალაქი. საქართველოს ბანკი ფოთის საჭადრაკო კლუბის მთავარი მხარდამჭერია