„დღეს კარგად დავინახეთ სერიოზული სხვაობა გარკვეულ პოზიციებს შორის: ერთნი საუბრობენ ლეგიტიმურ, კანონიერ გზაზე, მეორენი დაძაბულობაზე, რასაც სააკაშვილი მოუწოდებს", - ასე გამოეხმაურა პარლამენტის ვიცე-სპიკერი გია ვოლსკი რუსთაველზე გაერთიანებული ოპოზიციის მიერ ჩატარებულ აქციას.

როგორც ვოლსკიმ აღნიშნა, "ნაციონალური მოძრაობა" მოსახლეობას დაძაბულობას სთავაზობს.   

"ისინი არ გულისხმობენ მოლაპარაკებას სახელმწიფოს ხვალინდელ დღეზე, ისინი გულისხმობენ მოლაპარაკებას ვაშაძის გაპრეზიდენტების და ახალი საპარლამენტო არჩევნების ჩატარების თაობაზე. მთელი აქცენტი კეთდება იმაზე, რომ როგორმე შვიდას ოთხმოცი ათასი ადამიანი, მათი მხარდამჭერები შეიყვანონ შეცდომაში - თითქოს რაღაც ლეგიტიმური გზით მიდიან. ოპოზიციაში იქნება პარტიები, ხალხი, ვისაც სხვა მოსაზრება აქვს, მაგრამ არ მგონია იყოს ხალხი, ვისაც ის სისხლისღვრა უნდა, რომელსაც სააკაშვილი გვთავაზობს. დღეს კარგად დავინახეთ სერიოზული სხვაობა გარკვეულ პოზიციებს შორის: ერთნი საუბრობენ ლეგიტიმურ, კანონიერ გზაზე, მეორენი დაძაბულობაზე, რასაც სააკაშვილი მოუწოდებს. სააკაშვილის გამოსვლაც ვნახეთ რომ იყო შუაში, მის შემდეგ გამოვიდა ბაჩუკი ქარდავა და კიდევ სხვები, რომელთაც საზოგადოება ლიდერებად არ ცნობს. თუ საზოგადოება, მათი ამომრჩეველი იქნება ისევ იმ პოზიციაზე, ეს, რასაკვირველია, ნორმალური, დემოკრატიული მოვლენაა, თუმცა არ მეგულება ადამიანი, რომელიც მხარს უჭერდეს დაძაბულობის იმ ფორმას და იმ დონეს, რასაც „ნაციონალური მოძრაობა“ გვთავაზობს, მათ შორის, თუნდაც ძალიან მოკრძალებულად, მაგრამ ვაშაძეც ამ პოზიციას იზიარებს", - განაცხადა გია ვოლსკიმ. 

ავტორი: ,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი