„აბაშაში, „ქართული ოცნების“ დეპუტატი ლეონტი ნადარეიშვილი პირადად მიყვება ამომრჩევლებს საარჩევნო კაბინაში და აკონტროლებს ხმის მიცემის პროცესს”, - ამის შესახებ გაერთიანებული ოპოზოციის - „ძალა ერთობაშიას“ ერთ-ერთმა ლიდერმა, ზაალ უდუმაშვილა ბრიფინგზე განაცხადა.

უდუმაშვილმა საპრეზიდენტო არჩევნების მეორე ტურში ამ დროისთვის მათ მიერ დაფიქსირებულ სხვა დარღვევებზეც ისაუბრა.

„ვაკის 51-ე უბანზე დაფიქსირდა ფულის დარიგების შემთხვევები პირდაპირ ღიად. უბანთან ახლოს დგანან „ქართული ოცნების“ წარმომადგენლები და ფულს არიგებენ. ამის ვიდეომასალა არსებობს. ვაკის მე-11  უბნის მიმდებარე ტერიტორიაზე ადგილი ჰქონდა ფიზიკური დაპირისპირების ფაქტებს, აქ პირდაპირ უბანში გახსნილია „ქართული ოცნების“ შტაბი და იქ მიმდინარეობს სიების გადამოწმება. ჩვენი დამკვირვებლები შევიდნენ და ნახეს მაგიდაზე გაშლილი სიები. მას შემდეგ, რაც დამკვირვებლებმა ეს ფაქტი დააფიქსირეს, ამ უბანზე მოხდა „ქართული ოცნების“ მიერ გარკვეული პირების მობილიზება  მათ ჯერ სიტყვიერი, ხოლო შემდეგ ფიზიკური შეურაცხყოფა მიაყენეს ჩვენს დამვკირვებელს. ადგილზე იყო გამოძახებული სასწრაფო სამედიცინო დახმარების ბრიგადა და  საპატრულო პოლიციაც აღიძრა სისხლის სამართლის საქმე. აბაშაში, „ქართული ოცნების“ დეპუტატი ლეონტი ნადარეიშვილი პირადად მიყვება ამომრჩევლებს საარჩევნო კაბინაში და აკონტროლებს ხმის მიცემის პროცესს. მათ ნაცვლად ხაზავს კანდიდატს. ბოლნისის რაიონში, სოფელ ხიდისყურის 37-ე საარჩევნო უბანში, პარლამენტარ გოგი მიშველიანის ძმა, რომელიც არის საკრებულოს წევრი, გოჩა მიშველიანი სიტყვიერ შეურაცხყოფას აყენებს ჩვენ წევრს, სამირა ისმაილოვას. პოლიციას რეაგირება არ მოუხდენია“, - განაცხადა ზაალ უდუმაშვილმა.

ავტორი: ,

სოციალური ქსელები

„1000 რაკეტა მზადაა“: ტრამპი, მისი მკვლელობის მცდელობის შემთხვევაში, ირანის განადგურებით იმუქრება

ზელენსკიმ რუსეთისთვის „შორი მოქმედების სარდლობის“ შექმნის შესახებ განაცხადა

ამერიკელმა სენატორები თეთრ სახლთან შეთანხმდნენ რუსეთის წინააღმდეგ „ჯოჯოხეთური სანქციების“ შესახებ კანონპროექტზე

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო