სააღსრულებო წარმოების სფეროში აქტუალური საკითხების განხილვა და აღსრულების სისტემის განვითარების გზების ძიება იყო მთავარი თემები ბელარუსში, ქ. მინსკში გამართულ ორდღიან საერთაშორისო კონფერენციაზე.

კონფერენციას ,,სააღსრულებო სისტემის განვითარება“ საქართველოდან აღსრულების ეროვნული ბიუროს წარმომადგენლები დაესწრნენ.

ბიუროს თავმჯდომარის მოადგილის, მირიან ხარაბაძის ხელმძღვანელობით ქართველმა მონაწილეებმა ქართული სააღსრულებო სისტემის რეფორმებსა და განხორციელებულ ცვლილებებზე ისაუბრეს; უცხოელ კოლეგებს გაუზიარეს ის გამოცდილება, რომელიც ბოლო წლების განმავლობაში ქართული სააღსრულებო სისტემის განვითარების კუთხით დაგროვდა.  ყურადღება გაამახვილეს ევროპელ კოლეგებთან თანამშრომლობით განხორციელებულ პროექტებზე. საუბარი შეეხო აღსრულების კოდექსის ახალი პროექტით გათვალისწინებულ ინსტიტუციურ ცვლილებებს, რომლითაც ქვეყანა ახალ სააღსრულებო მოდელზე გადავა. კონფერენციაზე ქართველმა დელეგატებმა ისაუბრეს აღსრულების ეროვნული ბიუროს სერვისებზეც, მათ შორის, გამარტივებული საქმისწარმოების პრინციპებსა და განვითარების პერსპექტივებზე.  

სააღსრულებო სისტემის განვითარებისადმი მიძღვნილი საერთაშორისო კონფერენცია ქალაქ მინსკში 13-16 ნოემბერს გაიმართა. კონფერენციაში ადგილობრივი ხელისუფლებისა და სხვადასხვა ქვეყნის სააღსრულებო უწყებების წარმომადგენლები მონაწილეობდნენ.

(NS)

ავტორი: ,

სოციალური ქსელები

დუნაის დაბლა დაწევამ უნგრეთში, ბოლო 44 წლის განმავლობაში პირველად, ატომური ელექტროსადგურის სრული გაჩერება გამოიწვია

ტრამპი აცხადებს, რომ თუ შეთანხმება სწრაფად იქნება მიღწეული, ის თავს შეიკავებს ირანზე დარტყმისგან

დრონები თავს დაესხნენ სარატოვში ნავთობგადამამუშავებელ ქარხანას და ენგელსის აეროდრომს

რუსეთში დრონის თავდასხმის შემდეგ Wildberries-ის კიდევ ერთ დიდ საწყობს ცეცხლი გაუჩნდა