„საქართველოს ფოსტის“ ორგანიზებით წერილის წერის საერთაშორისო კონკურსი ჩატარდა.

საქართველო მეორე  წელია, რაც წერილის წერის საერთაშორისო კონკურსში მონაწილეობს. კონკურსის მიზანია წერილის წერის მივიწყებული ტრადიციის აღდგენა და ახალგაზრდებს შორის წერილობითი ურთიერთობის პოპულარიზება.

წელს კონკურსში საქართველოს საჯარო და კერძო სკოლების 15 წლამდე ასაკის მოსწავლეებმა მიიღეს მონაწილეობა. კონკურსი ჩატარდა თემაზე -„როგორ სამყაროში მსურს, რომ გავიზარდო“.  სპეციალურად შექმნილი ჟიური მიღებული 500 წერილიდან კონკურსში მონაწილე 3 გამარჯვებულს გამოავლენს, რომელთაც საქართველოს ფოსტის ადმინისტრაცია  დააჯილდოებს.

პირველ ადგილზე გასული  საუკეთესო ნაშრომი  გაიგზავნება საერთაშორისო კონკურსზე. გამარჯვების შემთხვევაში ნაშრომის ავტორი გაემგზავრება შვეიცარიაში, ქალაქ ბერნში, სადაც მსოფლიო საფოსტო კავშირის შტაბბინაში მდებარეობს. იქვე 2015 წლის 9 ოქტომბერს, საერთაშორისო ფოსტის დღეს დაჯილდოების ცერემონია გაიმართება.  

ცნობისთვის, წერილის წერის საერთაშორისო კონკურსს საფუძველი 1969 წელს მსოფლიო საფოსტო კავშირის ტოკიოს კონგრესზე ჩაეყარა. კონკურსი 1971 წლიდან სისტემატურად იმართება და მასში მსოფლიო საფოსტო კავშირის ყვველა წევრი ქვეყანა მონაწილეობს. წერილის თემას ყოველწლიურად მსოფლიო საფოსტო კავშირი განსაზღვრავს.  კონკურსში მსოფლიოს 192 ქვეყანა მონაწილეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს