პარლამენტში დეპუტატებს „ოჯახური მდგომარეობის გამო“ გაცდენილი სხომა საპატიოდ აღარ ჩაეთვლებათ. 
პარლამენტის თავჯდომარე დავით უსუფაშვილმა ბიუროს სხდომაზე საპროცედურო საკითხთა და წესების კომიტეტს თხოვნით მიმართა, პარლამენტის რეგლამენტში ამასთან დაკავშირებით ცვლილება შევიდეს. 
„პარლამენტის წევრების სხდომაზე დასწრებასთან დაკავშირებით, ვთხოვე შესაბამის სამსახურს და მაქვს სტატისტიკური მონაცემები, თუ რამდენი სხდომაა გაცდენილი საპატიო მიზეზით, ანუ მიზეზით, რასაც ჩვენი რეგლამენტი საპატიოდ მიიჩნევს. რეგლამენტით განსაზღვრულია, რომ პარლამენტის წევრს შეუძლია სხდომა გააცდინოს და ის ჩაითვალოს საპატიო მიზეზად თუ ის ოჯახური მდგომარეობის გამო ვერ ახერხებს სხდომაზე დასწრებას. პარლამენტის წევრები არაფრით განსხვავდებიან ნებისმიერი სხვა საჯარო მოხელისა და მისი ოჯახისგან. თუ სხვებისთვის ოჯახური პირობების გამო სამსახურის გაცდენა არ ითვლება საპატიო მიზეზად, გარდა იშვიათი შემთხვევებისა, მაშინ არა მგონია, რომ სწორი იყოს პარლამენტის წევრებს ჰქონდეს ეს პრივილეგია.
[თუ] გადავხედავთ სტატისტიკას, აქ სულ სხვა შემთხვევასთან გავქვს საქმე. მე ამოვწერე 10 ყველაზე ხშირად გამცდენი დეპუტატის სახელი და გვარი, ვისაც ოჯახური პირობების გამო გაცდენილი აქვს 60-ზე მეტი სხდომა. ესენი არიან: გიორგი ვაშაძე 66; ენზელ მკოიანი და ზაზა კედელაშვილი 74-74; როლანდ ახალაია 80; დავით ბეჟუაშვილი 82, გოდერძი ბუკია 91; გოგი ლიპარტელიანი 93; რამაზ ნიკოლაიშვლი 94, აზერ სულეიმანოვი 96. ყველაზე მეტი კი, კობა ნაყოფიას - 101 გაცდენა აქვს. ამ შემთხვევაში ჩემი სიტყვები უადგილოა. თუ მათ რამე პრობლემა აქვთ ოჯახური მდგომარეობის გამო, ჩვენ მათთან უნდა ვიყოთ. მესმის ისიც, რომ ჩემი სიტყვები ცინიკურად ჟღერს მით უფრო ისეთ თემაზე, რომელიც ოჯახს ეხება. ჩვენ პარლამენტის რეგლამენტში არაერთი ცვლილება გვაქვს განსახორციელებელი, მაგრამ ვთხოვ საპროცედურო საკითხთა კომიტეტს, რომ ეს საკითხი სხვა საკითხებისგან სრულიად დამოუკიდებლად, ანუ საფუძველი „ოჯახური მდგომარეობის გამო", გაცდენის საპატიო მიზეზად ჩათვლა ამოღებულ იქნას პარლამენტის რეგლამენტიდან", - განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ

გაეროს ადამიანის უფლებათა საბჭოში საქართველოზე კრიტიკული ანგარიში მომზადდა

ლაიენი: სომხეთი აგრძელებს გზას დემოკრატიისკენ, EU-სთან უფრო მჭიდრო თანამშრომლობისკენ

ოცნების საგარეო: რუსეთსა და ოკუპირებულ ცხინვალს შორის შეთანხმებაზე შეშფოთება გამოვთქვით