„თავისუფალი დემოკრატების“ წევრის, პარლამენტის საფინანსო-საბიუჯეტო კომიტეტის ყოფილი თავმჯდომარის დავით ონოფრიშვილის შეფასებით, მთავრობა ბიუჯეტის კორექტირებისთვის მოუმზადებელია.

ონოფრიშვილის თქმით, ხარჯები დროულად უნდა შემცირდეს, წინააღმდეგ შემთხვევაში, ბევრი ხარჯის გაწევა მოხდება.

„მთავრობის სხდომაზე გადაწყვეტილება ვერ იქნა მიღებული. როგორც ჩანს, ვერ შეთანხმდნენ, არის დავა, რა შეამცირონ. ამასობაში დრო გადის. ბევრი ხარჯი იქნება გაწეული და 6 თვის შემდეგ შესამცირებელი ძალიან ცოტა იქნება. ამიტომ მთავრობა ამისთვისაც მოუმზადებელი იყო. კიდევ ერთი კვირით გადაიგდო გადაწყვეტილების მიღება, იმიტომ რომ ვიღაცას არ უნდა შემცირება, ვიღაცას უნდა. ფაქტია, რომ მთავრობაშიც და საზოგადოებაშიც უნდა იყოს ერთობლიობა, როდესაც გიჭირს უნდა შემოიჭირო ქამრები, ამას ბევრი გადადება არ უნდა. განაცხადეს, რომ სოციალურ ხარჯს არ შეეხებიან, არც ინფრასტრუქტურულ პროექტებს არ უნდა შეეხონ. კეთილი ინებონ და მოიკლონ ადმინისტრაცული ხარჯები, რასაც აპირებენ კიდეც, თუმცა ჯერ ვერაფერი ვნახეთ კონკრეტული დაწერილი ქაღალდზე“, - განაცხადა დავით ონოფრიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს