„თუ პარლამენტიდან მოხდება მარიხუანას კულტივაცის შესახებ კანონპროექტის გაწვევა და რიგგარეშე ვადამდელი საპარლამენტო არჩევნები დაინიშნება, მზად ვართ მხარი დავუჭიროთ სალომე ზურაბიშვილს“, - ამის შესახებ ნეოფაშისტური ჯგუფის, „ქართული მარშის“ წევრმა სანდრო ბრეგაძემ დღეს გამართულ ბრიფინგზე განაცხადა.

როგორც ბრეგაძემ თუ მმართველი ძალა გადადგამს აღნიშნულ ნაბიჯს და შეასრულებს  ორ მთავარ პირობას, აქტიურად ჩაერთვებიან საარჩევნო კამპანიაში.

ამასთან, ხელისუფლებას  მოუწოდებენ პასუხი ორშაბათამდე გასცენ.

 „მოგესხნებათ, რომ „ქართულმა მარშმა“ არჩევნების პირველ ტურს ბოიკოტი გამოუცხადა და ჩვენი და ჩვენი მომხრეების ხმები არ ყოფილა პირველი ტურის დროს.  მაგრამ  ახლა დარწმუნებული ვართ, რომ არჩევნების მეორე ტური დესტაბილიზაციის საფრთხეს შეიცავს. არსებობს იმის საფრთხე, რომ ქვეყანა მოექცეს ძალადობის მორევში და პროცესები წავიდეს ძალადობრივი გზით. ჩვენ გვაქვს ამის ინფორმაციები. გვაქვს გარკვეული ცნობები იმის შესახებ, რომ ყველა მხრიდან ჯგუფები ემზადებიან ძალადობრივი აქტებისთვის. გადავწყვიტეთ, მეორე ტურისთვის მოვხსნათ ბოიკოტის რეჟიმი და აქტიურად ჩავერთოთ საარჩევნო პროცესში. ჩვენ, პირველ რიგში, ვსაზღვრავთ, რომ „ნაციონალური მოძრაობის“ დაბრუნება ხელისუფლებაში ქვეყნისთვის კატასტროფული შედეგების მომტანია, მაგრამ ასევე გვინდა ხელისუფლება გავაფრთხილოთ, თუკი მათი მხრიდან გადაცდომები და ძალადობა იქნება, ასევე „ქართული ოცნების“ ეს ქმედებებიც კატასტროფამდე მიიყვანს ქვეყანას, ამიტომ ჩვენ მივმართავთ „ქართულ ოცნებას“ და ბატონ ბიძინა ივანიშვილს, თუ გსურთ, არჩევნების მეორე ტურში ეროვნული ძალების, „ქართული მარშისა“ და სხვა ორგანიზაციების მხარდაჭერა მიიღოთ თქვენმა კანდიდატმა, სალომე ზურაბიშვილმა ორი ჩვენი მოთხოვნა შეასრულოს. პირველი - სასწრაფო წესით გაწვეულ იქნას მარიხუანას კულტივაციის კანონი და მეორე, 37 პროცენტიანი ხელისუფლება არ შეიძლება ერთპიროვნულად მართავდეს ქვეყანას და მითუმტეს არ შეიძლება მას ჰყავდეს საკონსტიტუციო უმრავლესობა პარლამენტში, ამისათვის კი აუცილებელია,  რიგგარეშე ვადამდელი საპარლამენტო არჩევნები დაინიშნოს. თუ ხელისუფლება და „ქართული ოცნება“ არ აპირებს არც მარიხუანის კულტივირების კანონის გაწვევას და არც ვადამდელი საპარლამენტო არჩევნების ჩატარებას, მაშინ ჩვენი მხარდაჭერა სალომე ზურაბიშვილისადმი იქნება გამორიცხული, მაგრამ თუ ხელისუფლება ამ მოთხოვნებს შეასრულებს და გამოაცხადებს მეორე ტურამდე,  ჩვენ მზად ვართ გადავაბიჯოთ გარკვეულ პრინციპებს და მხარი დავუჭიროთ სალომე ზურაბიშვილს“, - გაანცხადა სანდრო ბრეგაძემ.

ავტორი: ,

სოციალური ქსელები

ბრიტანეთის ახალი პრემიერ-მინისტრი ზელენსკის შეხვდა და მას „100%-იანი“ მხარდაჭერა გამოუცხადა

როგორც მოსკოვში - თეთრი ფურცლის დაჭერისთვის პოლიციამ აქტივისტი ნოდარი წიწარიშვილი დააკავა

საქართველოს ეროვნული ბანკი: ბანკები „თელასის“ ლარში მომსახურებას გააგრძელებენ

BOG-ის გზავნილების გათამაშება დაიწყო - მოიგე 1 000₾ ყოველდღე ან 10 000₾ სუპერპრიზი