შინაგან საქმეთა მინისტრის მოადგილე, ნათია მეზვრიშვილი არჩევნებზე საერთაშორისო სადამკვირვებლო მისიების - NDI-ის და OSCE/ODHIR-ის წარმომადგენლებს შეხვდა.

მინისტრის მოადგილემ საერთაშორისო ორგანიზაციების წარმომადგენლებს ინფორმაცია მიაწოდა წინასაარჩევნო პერიოდში და არჩევნების დღეს, საზოგადოებრივი წესრიგისა და უსაფრთხოების დაცვის მიზნით, არჩევნების დემოკრატიულ და მშვიდ გარემოში ჩატარების უზრუნველსაყოფად, შინაგან საქმეთა სამინისტროს მიერ განხორციელებული აქტივობებისა და განსახორციელებელი ღონისძიებების შესახებ.

შეხვედრის მონაწილეებმა იმ სისხლის სამართლის საქმეებზე მიმდინარე გამოძიების თაობაზე ისაუბრეს, რომლებიც რაიმე ფორმით უკავშირდება არჩევნებს, ან/და სადაც დანაშაული დაკავშირებულია ამა თუ იმ პირის პოლიტიკურ საქმიანობასთან. საერთაშორისო ორგანიზაციების წარმომადგენლებს ასევე, მიეწოდათ დეტალური ინფორმაცია აღნიშნულ საქმეებზე გამოძიების შედეგების შესახებ.

სამინისტროს წარმომადგენელმა ხაზი გაუსვა პოლიტიკური ნეიტრალიტეტის პრინციპის დაცვის მნიშვნელობას, როგორც საპოლიციო ღონისძიებების განხორციელების, ასევე, კონკრეტულ ფაქტებზე გამოძიების მიმდინარეობისას.

(NS)

ავტორი: ,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს