ჩრდილოატლანტიკური ალიანსის გენერალური მდივნის იენს სტოლტენბერგის განცხადებით, ვერავინ აიძულებს საქართველოს არჩევანი გააკეთოს ტერიტორიულ მთლიანობასა და ნატო-ს წევრობას შორის.

იენს სტოლტენბერგმა კიდევ ერთხელ გამოხატა მხარდაჭერა საქართველოს ტერიტორიული მთლიანობის მიმართ და განაცხადა, რომ ქართველი ხალხის გადასაწყვეტია, ქვეყანა რომელ ორგანიზაციაში გაწევრიანდება.

"ყველა წევრი თანხმდება, რომ საქართველო გახდება ნატო-ს წევრი და ჩვენ შევთანხმდით, რომ ალიანსი მხარს უჭერს საქართველოს ტერიტორიულ მთლიანობას საერთაშორისოდ აღიარებულ საზღვრებში. ვერავინ აიძულებს საქართველოს არჩევანი გააკეთოს ტერიტორიულ მთლიანობასა და ნატო-ს წევრობას შორის. ის გახდება ნატო-ს წევრი, როდესაც დააკმაყოფილებს ნატო-ს მოთხოვნებსა და სტანდარტებს. ჩვენ დავეხმარებით საქართველოს დემოკრატიული რეფორმების განხორციელებაში. განვიხილავთ საქართველოსთან პარტნიორობის საკითხს და მოკავშირეებს მივაწვდით ინფორმაციას, რა ეტაპზეა ჩვენი თანამშრომლობა. შევეხებით შავი ზღვის რეგიონში არსებულ გამოწვევებს. ვნახეთ, რომ რუსეთი აძლიერებს რეგიონში სამხედრო ყოფნას. კომისიის სხდომაზე ასევე ვისაუბრებთ, როგორ ვითანამშრომლებთ ამ საკითხზე საქართველოსთან. რა თქმა უნდა, დიდ მნიშვნელობას ვანიჭებთ რეფორმებს. ბევრი რამ გააკეთა საქართველომ ამ კუთხით, მაგრამ მოვუწოდებთ რეფორმების გაგრძელებისკენ, ჩვენ კი დავეხმარებით მათ განხორციელებაში. ვერავინ აიძულებს საქართველოს არჩევანი გააკეთოს ტერიტორიულ მთლიანობასა და ნატო-ს წევრობას შორის“, - განაცხადა იენს სტოლტენბერგმა. 

ავტორი: ,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს