საქართველოს პრემიერ-მინისტრი მამუკა ბახტაძე 5 ოქტომბერს ოფიციალური ვიზიტით მოლდოვას ეწვევა, - მომავალი ვიზიტისა და ორმხრივი თანამშრომლობის შესახებ საქართველოს მთავრობის მეთაურმა და მოლდოვას პრემიერ-მინისტრმა პაველ ფილიპმა გაეროს გენერალური ასამბლეის 73-ე სესიის ფარგლებში დღეს გამართულ შეხვედრაზე ისაუბრეს. 

პოზიტიურად შეფასდა ორმხრივი ურთიერთობების განვითარების დინამიკა. 

შეხვედრისას აღინიშნა, რომ მოლდოვაში ოფიციალური ვიზიტისას საქართველოს პრემიერ-მინისტრი მონაწილეობას მიიღებს სუამ-ის სამიტში, რომელიც როგორც წევრ ქვეყნებთან, ასევე ორგანიზაციის პარტნიორებთან თანამშრომლობის გასაძლიერებლად მნიშვნელოვანი პლატფორმაა. მხარებმა ხაზი გაუსვეს ამ ფორმატის კიდევ უფრო გასააქტიურებლად ერთობლივი ძალისხმევის აუცილებლობას. 

პრემიერ-მინისტრებმა აღნიშნეს, რომ როგორც საქართველო, ისე მოლდოვა ევროკავშირის ასოცირებული პარტნიორები არიან და შესაბამისად, საერთაშორისო ასპარეზზე კოორდინირებულ მოქმედებას კიდევ უფრო დიდი მნიშვნელობა ენიჭება. 

შეხვედრისას მხარეებმა ტერიტორიული მთლიანობისა და სუვერენიტეტისადმი ურთიერთმხარდაჭერა კიდევ ერთხელ დაადასტურეს. 

ავტორი: ,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს