საქართველოს თავდაცვის სამინისტრო წყნარი ოკეანის რეგიონიდან თავდაცვისა და ეროვნული უსაფრთხოების მინისტრს პირველად მასპინძლობს.

დღეს თავდაცვის მინისტრი ლევან იზორია კოლეგას ფიჯის რესპუბლიკიდან - რატუ ინოქე კუბუაბოლას შეხვდა.

საქართველოს თავდაცვის უწყებაში დახვედრის ოფიციალური ცერემონიალის შემდეგ მხარეებმა საქართველოსა და ფიჯის რესპუბლიკის თავდაცვის უწყებების შორის ორმხრივი თანამშრომლობის დაწყების საკითხები განიხილეს. გამოიყო ორმხრივი თანამშორმლობის პრიორიტეტები, მათ შორის სამხედრო-ტექნიკურ და სამხედრო წვრთნისა და განათლების სფეროში.

ფიჯის რესბუბლიკის თავდაცვისა და უსაფრთხოების მინისტრმა საქართველოს ტერიტორიული მთლიანობისა და სუვერენიტეტის მიმართ მხარდაჭერა გამოხატა. მინისტრებმა ერთმანეთს საქართველოსა და ფიჯის რესპუბლიკის თავდაცვის სფეროში მიმდინარე რეფორმები გაუზიარეს და გლობალურ სამყაროში მშვიდობისა და უსაფრთხოების განმტკიცებაში შეტანილ წვლილზე გაამახვილეს ყურადღება.

საქართველოს თავდაცვის სამინისტროში გამართული შეხვედრის შემდეგ, ფიჯის რესპუბლიკის თავდაცვისა და უსაფრთხოების მინისტრმა გმირთა მოედანზე საქართველოს ტერიტორიული მთლიანობისთვის წარმოებულ ბრძოლებში დაღუპული მებრძოლების მემორიალი გვირგვინით შეამკო.

(NS)

ავტორი: ,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს