პარლამენტის შენობასთან, სადაც ხორავას ქუჩაზე მოკლული ერთ-ერთი მოზარდის მამა ზაზა სარალიძე და პანკისის სპეცოპერაციის დროს მოკლული თემირლან მაჩალიკაშვილის მამა, მალხაზ მაჩალიკაშვილი აქცის მართავენ, კიდევ ერთი დაპირისპირება მოხდა.

ადგილზე აქციის მონაწილეები კარვების გაშლას კვლავ ცდილობდნენ, თუმცა სამართალდამცველებმა მათ ამის საშუალება არ მისცეს. აღნიშნულს სარალიძისა და მაჩალიკაშვილის გაღიზიანება მოჰყვა. მათ სამართალდამცველებს სიტყვიერი შეურაცხყოფა მიაყენეს.

ვითარება ამ დროისთვის განმუხტულია. ადგილზე ათობით პოლიციელი იმყოფება.

ამასთან, ცოტა ხნის წინ „ქრონიკა+“-ის მთავარმა რედაქტორმა ელისკო კილაძემ ჟურნალისტებს განუცხადა, რომ 20:00 საათზე, სარალიძე და მაჩალიკაშვილის საგანაგებო განცხადებას გააკეთებენ.

ცნობისთვის, დღეს ინციდენტი რუსთაველის გამზირზეც მოხდა, სადაც სამართალდამცველებმა სარალიძის მანქანა გააჩერეს და მას კარვები ჩამოართვეს. მიუხედავად არაერთი მოთხოვნისა, პოლიციას არ განუმარტავს, რის საფუძველზე ახდენს კარვების ჩამორთმევას.

„ექსპრესნიუსი“ მომხდართან დაკავშირებით შინაგან საქმეთა სამინისტროს პრესსამსახურს დაუკავშირდა, თუმცა უწყებაში კომენტარს ამ დრომდე არ აკეთებენ.

ავტორი: ,

სოციალური ქსელები

კობახიძე კორუფციულ დანაშაულებზე - ყველა უმკაცრესად აგებს პასუხს

კიევზე რუსეთის დარტყმებმა სასწრაფო დახმარების 5 მანქანა მთლიანად გაანადგურა

ევროპა ხურავს საზღვრებს სეუტაში კრიზისის შემდეგ: რა დგას 50 ათასი მიგრანტის ჩამოსვლის უკან

ლიეტვის საგარეო საქმეთა სამინისტრომ კიევში რუსეთის იერიშის შემდეგ ქვეყნის საელჩოს დაზიანების შესახებ განაცხადა