ფრანგულმა სასამართლომ ულტრამემარჯვენე მარინ ლე პენს ფსიქიატრიული შემოწმების გავლა მოსთხოვა, - ამის შესახებ BBC იუწყება. 

მედია საშუალების ინფორმაციით, "ნაციონალური ფრონტის" ლიდერმა სასამართლოს შესაბამისი ბრძანება Twitter-ის საკუთარ გვერდზე გაავრცელა და ამ გადაწყვეტილებას "შეშლილი უწოდა". ლეპენის თქმით, ის შემოწმების გავლას არ აპირებს. 

ცნობისთვის, ულტრამემარჯვენე პოლიტიკოსმა Twitter-ში 2015 წელს ISIS-ის ძალადობის ამსახველი 3 ფოტო გამოაქვეყნა. ერთ-ერთ ფოტოზე ამერიკელი ჟურნალისტი ჯეიმს ფოლი იყო გამოსახული, რომელსაც ტერორისტებმა თავი მოკვეთეს. ამის გამო პრეზიდენტობის ყოფილი კანდიდატი ერთ-ერთი საქმის ფიგურანტის გახდა. 2017 წლის 8 ნოემბერს საფრანგეთის ეროვნულმა კრებამ "ნაციონალური ფრონტის" ლიდერს მარინ ლე პენს საპარლამენტო იმუნიტეტი ჩამოართვა. 

რაც შეეხება სასამართლოს ბრძანებას, დოკუმენტის თანახმად, სასამართლოს სურს გაიგოს აქვს თუ არა მას ფსიქიატრიული ჯანმრთელობის პრობლემები და აცნობიერებს თუ არა ქმედებას, რომელსაც სჩადიოდა. პროკურორის განმარტებით, სასამართლოს მოთხოვნა რიგითი პროცედურაა. 

ავტორი: ,

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა