„ნაციონალური მოძრაობა“ მიხეილ ბატიაშვილს ფრაქციის სხდომაზე იბარებს

2018-09-19 17:48:18, 3036 ნახვა

პოლიტიკა

„ნაციონალურმა მოძრაობამ“ პარლამენტის რეგლამენტის მიხედვით მინიჭებული უფლებამოსილების ფარგლებში, საქართველოს განათლების, მეცნიერების, კულტურისა და სპორტის მინისტრი, მიხეილ ბატიაშვილი ფრაქციის სხდომაზე დაიბარა.

როგორც პარტიაში აცხადებენ, ფრაქციის მიერ მინისტრის დაბარება ეხება ზოგიერთი უმაღლესი საგანმანათლებლო დაწესებულებისათვის ავტორიზაციის ვადის გადავდებას.

„კერძოდ, ფრაქცია განათლების მინისტრს სთხოვს სხდომაზე დაუსაბუთოს თუ რა მოტივით ხდება იმ უმაღლესი საგანმანათლებლო დაწესებულებებისათის, რომლებსაც ავტორიზაციის ვადა 2018/2019 წლებში გასდის/გაუვიდა, ავტორიზაციის ვადის 2020 წლამდე გადავადება და წარუდგინოს აღნიშნული უნივერსიტეტების სია“, - ნათქვამია განცხადებაში.

მინისტრს, ფრაქციის სხდომაზე, მომდევნო კვირის ბოლომდე ელიან.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები