ახალი საბაჟო კანონმდებლობა ხელს შეუწყობს ქართული ბიზნესის ინტეგრაციას ევროკავშირის ბაზარზე, - ამის შესახებ ფინანსთა მინისტრმა, ივანე მაჭავარიანმა ფოთის გაფორმების ეკონომიკურ ზონაში ახალი საბაჟო კოდექსის პროექტის პრეზენტაციაზე სიტყვით გამოსვლისას განაცხადა.

როგორც მან აღნიშნა, ევროპული საბაჟო კოდექსი ითვალისწინებს გამარტივებულ საბაჟო პროცედურებს, ხელს შეუწყობს მარტივი და სამართლიანი წესების დამკვიდრებას საბაჟო სფეროში, სტაბილურ ბიზნესგარემოს და კერძო სექტორისთვის შეამცირებს საგარეო ვაჭრობასთან დაკავშირებულ დანახარჯებს.

„კერძო სექტორისა და ყველა დაინტერესებული მხარის მონაწილეობით შეიქმნება ღია საკომუნიკაციო პლატფორმა, სადაც შესაძლებელი იქნება წინადადებებისა და შენიშვნების გაზიარება, გარდა ამისა,  საჯარო განხილვების ფორმატში გაიმართება შეხვედრები ბიზნესსექტორის წარმომადგენლებთან, ექსპერტებთან, ყველა მიზნობრივ ჯგუფთან, რომელზეც მოხდება საბაჟო კოდექსის პროექტის განხილვა", - განაცხადა ფინანსთა მინისტრმა, ივანე მაჭავარიანმა.

მისივე თქმით,  მთავრობის, ფინანსთა სამინისტროს მიზანია, საბაჟო კოდექსის მიღება მოხდეს ფართო კონსენსუსისა და საჯარო განხილვების საფუძველზე.

(NS)

ავტორი: ,

სოციალური ქსელები

TI ადამიანის უფლებათა ევროპულ სასამართლოში თბილისის საპროტესტო აქციების მონაწილის ინტერესებს დაიცავს.

ილჰამ ალიევმა დაამტკიცა საქართველოსთან ელექტროენერგიის მიწოდებისა და ტრანზიტის შესახებ შეთანხმება

ნანუკა ჟორჟოლიანი: „ერთიანი ნაციონალური მოძრაობის“ თავმჯდომარის თანამდებობის გაუქმება არ იგეგმება

WSJ: ისრაელმა აშშ-ს აცნობა, რომ ირანი ტრამპის მკვლელობას გეგმავს