„ფორუმი მეოთხე წელია იმართება და საინტერესოა, წელს რატომ გააპროტესტეს“, - ამის შესახებ გაზეთ „საქართველო და მსოფლიოს“ ჟურნალისტმა ეკა ნასყიდაშვილმა განაცხადა, რომელიც ფორუმის მონაწილეა.

როგორც მან აღნიშნა, ღონისძიებაზე მხოლოდ კულტურული ურთერთობების განხილვა და გამოცდილების გაზიარება ხდება.

„არაფერი საგანგაშო არ ხდება და ძალიან საინტერესოა, რატომ მოხდა ეს წელს, იმიტომ რომ უკვე მეოთხე წელიწადია ასეთი ფორუმი იმართება. აქ არიან თქვენი კოლეგები სომხეთიდან და აზერბაიჯანიდან და გაოგნებულები უყურებენ ამ სიტუაციას, რაც გარეთ ხდება. აქ არ არი არაფერი. ჩვენ უკვე მეოთხე წელიწადია მხოლოდ კულტურულ ურთიერთობებზე ვსაუბრობთ და სხვა სალაპარაკო თემა აქ არ გვაქვს“, - განუცხადა ნასყიდაშვილმა საზოგადოებრივ მაუწყებელს.

ამასთან, ფორუმის ორგანიზატორმა ანჟელიკა ტრაპენზიკოვამ აღნიშნა, რომ საპროტესტო აქცია ღონისძიების ჩატარებას ხელს ვერ შეუშლის.

„ჩვენ მაინც ჩავატარებთ ჩვენს ღონისძიებას. ეს აქცია მის გახსნასა და ჩატარებაზე არანაირ გავლენას არ იქონიებს. ყველა თემა და დისკუსია ჩატარდება საკონფერენციო დარბაზში და არა ქუჩაში“, - განაცხადა ანჟელიკა ტრაპენზიკოვამ.

ცნობისთვის, თბილისში, სასტუმრო „ვერე პალასში“ პუტინის ფონდის მიერ დაფინანსებული მედია ფორუმი მიმდინარეობს. აღნიშნულის გამო, სასტუმროსთან დილიდან მოქალაქეები არიან შეკრებილი და ფორუმის ჩატარებას აპროტესტებენ.

ავტორი: ,

სოციალური ქსელები

TI ადამიანის უფლებათა ევროპულ სასამართლოში თბილისის საპროტესტო აქციების მონაწილის ინტერესებს დაიცავს.

ილჰამ ალიევმა დაამტკიცა საქართველოსთან ელექტროენერგიის მიწოდებისა და ტრანზიტის შესახებ შეთანხმება

ნანუკა ჟორჟოლიანი: „ერთიანი ნაციონალური მოძრაობის“ თავმჯდომარის თანამდებობის გაუქმება არ იგეგმება

WSJ: ისრაელმა აშშ-ს აცნობა, რომ ირანი ტრამპის მკვლელობას გეგმავს